وزیراعظم نا سلاہکار موسمیاتی بدلی ملک امین اسلم نا دود آن تران

کوروناریلیف ٹائیگر فورس انا مسخت کوروناوائرس آن ودی مروک آ مشکل حالیت آتا مقابلہ ءِ کننگ نا ءِ
اسلام آباد۔ 18 مئی (اے پی پی) وزیراعظم نا سلاہکار موسمیاتی بدلی ملک امین اسلم پارینے کہ کورونا ریلیف ٹائیگر فورس انا مسخت کوروناوائرس آن ودی مروک آ مشکل حالیت آتا مقابلہ ءِ کننگ ناءِ، دا منشاکار آک مچ آ ملک اٹی کلین اینڈ گرین پاکستان پروگرام اٹ ہم کڑد ادا کیرہ۔ دا گام گیج آتیان بروک آ دین تا مقابلہ ءِ کننگ اٹ کمک رسینگک۔ داخیال آتا درشانی ءِ او اٹک اٹ ٹائیگر فورس انا جوڑ کننگ نا چرجوئی ٹی اسہ اہم ءُ دود اسے آن تران کرسا کرے۔ دود اٹی وزیراعظم نا خصوصی کمکار امور نوجوانان عثمان ڈار، راہشون پاکستان تحریک انصاف ملک خرم علی خان، ڈپٹی کمشنر اٹک علی عنان قمر، سیاسی سرکڑدہ و سرکاری آفیسر آک ساڑی ئسر۔ دا وخت آ تران کرسا ملک امین اسلم پارے کہ وزیراعظم پاکستان عمران خان نا پارت آمچ آ پاکستان اٹی کوروناریلیف ٹائیگر فورس اس جوڑ کننگانے ہرانامسخت مچ آملک اٹی کوروناوائرس نا دین آن ودی مروک آ مشکل حالیت آتا مقابلہ ءِ کننگ نا ءِ، دا فورس غٹ رفاہی کاریم تیٹی انتظامیہ تون کمک کیک و داڑتون اوار اوار الس نا راجی آسراتی کن ہم کاریم کیک۔ اوپارے کہ ٹائیگر فورس انا غٹ باسک آک غیر سیاسی مریرہ و خالص منشاکارانہ بنداوتیا کاریم کیرہ۔ اوپارے کہ ٹائیگر فورس انا جوڑ کننگ آن قومی سیوت ءِ مون آ دننگک و پین وخت اس بروک آ دین تا مقابلہ ءِ کننگ اٹ کمک رسینگک۔ ٹائیگر فورس انا باسک آک ساڑی حالیت آتے ٹی السی راجی آسراتی نا کاریم کرسا خذمت کننگ ءُ ہراڑآن علاقہ نا تقدیر بدل مریک و شونہالی بریک۔ ملک امین اسلم ٹائیگر فورس انا باسک آتے تینا کنڈآن پورو مخ تفی نا باوری کرفے و دا عزم انا ارادہ ءِ کرے کہ ٹائیگر فورس انا جوڑ کننگ آن ملک اٹی انقلاب بریک۔ اوٹائیگر فورس انا باسک آتے سلام پیش کرسا پارے کہ اوفتا پن ءِ تاریخ اٹی جوان انگا لوز آتے ٹی نوشتہ کننگک۔ فورس ءِ یوسی نا کہول اسکان متحرک کننگک و دا فورس چندی حکومتی گام گیج آتا چرجوئی ٹی انتظامیہ تون تفک ۔ ہر یوسی ٹی دیہاڑی دار مزور نا رجسٹریشن ءِ کننگک ہرانا کمک اٹ اونا مالی کمک ءِ کننگک۔ ہنداوڑ ضلع اٹک اٹ احساس ولشت پروگرام نا رداٹ جوڑ 24 سینٹر آتیا ہم ٹائیگر فورس تینا زمواری تے ادا کیک۔ ملک امین اسلم پارے کہ کوروناوائرس تون اوار اوار دا فورس مچ آ ملک اٹی کلین اینڈ گرین پاکستان نا رداٹ 10 ارب درخت خلنگ اٹ تینا کڑد ءِ ادا کیک۔ اوداوخت آ ٹائیگر فورس انا باسک آتیان سوغند ہم ہلک۔ وزیراعظم پاکستان نا خصوصی کمکار امور نوجوانان عثمان ڈار دا وخت آ دودآن تران کرسا پارے کہ وزیراعظم عمران خان ملک انا تقدیر ءِ بدل کننگ آ باورکیک و داڑکن پبی وڑاٹ کوشست کننگ ءِ۔ کورونا ریلیف ٹائیگر فورس انا جوڑ کننگ آن کوروناوائرس ءِ شکست تننگ اٹ کمک رسینگک و داڑتون اخوت و ایلمی نا گچین مثال اس جوڑ مریک۔ ٹائیگر فورس انا سرجز آتیان الس ءِ زند انا غٹ بشخ آتے ٹی کمک ملک ہراڑآن راج مثبت سمت اٹ شون ہلیک و الس شونہال مریک۔ عثمان ڈار داوخت آپارے کہ وزیراعظم پاکستان عمران خان نا اسہ توار آ اِراہفتہ ٹی 10 لکھ پاکستانی ٹائیگر فورس اکن رجسٹریشن کرفیر۔ اوپارے کہ مچ آ ضلع ٹی ٹائیگر فورس اٹی 8223 بندغ رجسٹرڈ مسر ہرافتے ٹی 400 زالبول اوار ءُ۔ ہرافتے یوٹیلیٹی اسٹورز، راشن بشخنگ، احساس ولشت پروگرام و ایلو جاگہ غاتیا تعینات کننگک ہراڑآن الس ءِ آسراتی ملک۔ اوٹائیگر فورس انا عظیم جوزہ ءِ سلام پیش کرے۔ ایسر اٹ فورس انا باسک آتے ٹی فیس ماسک و سینیٹائزر بشخنگا۔