بنجائی وزیر حوالکاری و شینکاری سینیٹر شبلی فراز نا سی پی این ای نا عہدیدار آتون ویڈیو لنک انا کمک اٹ اوڑدی ٹی گپ وتران

اسلام آباد۔ 18 مئی (اے پی پی) بنجائی وزیر حوالکاری وشینکاری سینیٹر شبلی فراز پارینے کہ پاکستان تحریک انصاف نا حکومت آجوئی سلاہ درشانی نا بنداوی حق آ پورو یخین تخک۔ صحافی و میڈیا ورکرز آتا ویل آتا ایسرننا اولیت ءِ۔ سلوک آپیسہ غاتا زرتس ءِ صحافی و میڈیا ورکرز آتا تنخواہ تتون گنڈنگک۔داخیال آتا درشانی ءِ او کونسل آف پاکستان نیوز پیپرز ایڈیٹرز نا عہدیدار آتون ویڈیو کانفرنس نا کمک اٹ اوڑدہی ٹی کرے۔ اوڑدہی ٹی سیکرٹری حوالکاری و شینکاری اکبر درانی و پرنسپل انفارمیشن آفیسر شاہیرہ شاہد ئسک ہم بشخ ہلکر۔ سی پی این ای نا ڈل وزیر حوالکاری ءِ میڈیا صنعت تون گنڈوک ویل آتیان معلومدار کریر۔ اوپارے کہ پاکستان تحریک انصاف نا حکومت آجوئی سلاہ درشانی نا بنداوی حق آ پورو یخین تخک ۔ صحافی و میڈیا ورکرز آتاویل آتا ایسر کننگ ءِ نن اولیت ایتنہ۔ اوپارے کہ میڈیا ہاؤس آتا واجبات آتا ادائیگی نا اینو آن بناءِ کننگ اُن، ہراڑآن ریلیف ملنگ بناکیک۔ سینیٹر شبلی فراز پارے کہ واجبات آتا ادائیگی ءِ صحافی و میڈیا ورکرز آتا تنخواہ تتون گنڈنگک۔ ہندن ءُ میکنزم اس جوڑ کننگ والا اُن ہراڑآن پین وخت اس دا ویل آک مفس، واجبات آک اوار اوار تننگسا کار۔ اخبار آتا ریجنل کوٹہ المی ءِ، پنی آصحافی چنکا اخبار آتیان مون آ بسر۔ وزیر حوالکاری پارے کہ نیوز ایجنسی تا ویل آتے ہم ایسر کینہ۔ عئیدآن پد اوڑدہی نا ارٹ میکو سیشن مریک، امنائی اتون معاملہ غاتیا مون آ کانہ۔ اے بی سی نا معاملہ غاتے ٹی شفافیت ءِ پک کننگک۔ ویڈیو کانفرنس اٹ عارف نظامی صدر سی پی این ای، ڈاکٹر جبار خٹک سیکرٹری جنرل، عارف بلوچ، تنویر شوکت، ایس کے نیازی، شاہد عارف، ایاز خان، کاظم خان، انور ساجد، عبدالرحمان، طاہر فاروقی، عامر محمود،م حیدر امین، شکیل احمد ترابی، ڈاکٹر اعجازالحق، جنرل ڈاکٹر حافظ ثناء اللہ، غلام نبی چانڈیو و ایلوفک بشخ ہلکر۔