وزیراعظم عمران خان کوروناریلیف نا دین انا سوب بے روزگار مروک آ بندغ آتے کن احساس ایمرجنسی کیش فراوانی پروگرام نا بنا ءِ اینو(دوشنبے نادے) آکیک

اسلام آباد۔ 18 مئی (اے پی پی) وزیراعظم عمران خان کوروناوائرس نا دین انا سوب بے روزگار مروک آ بندغ آتےکن احساس ایمرجنسی کیش فراوانی پروگرام نا بناءِ اینو(دوشنبے نادے آ) کیک۔ دوشنبے نادے آ وزیراعظم آفس نا میڈیا ونگ آن جاری کروک بیان نا رداٹ کرونا ریلیف فنڈ انا رداٹ داوخت اسکان 3 ارب روپئی آن زیات فنڈ یکجا کننگانے۔ وزیراعظم نا پارت آتا رداٹ دا فنڈ اٹی عطیہ کروک آ ہر اسہ روپئی آ حکومت 4 روپئی تینا کنڈآن ایتک۔ کورونا ریلیف فنڈ اٹی عطیہ و دا فنڈ آن پیسہ غاتے پورو شفافیت اٹ جاری کننگ انگ ءِ۔ دا رداٹ فنڈ انا غٹ سرجم آتے مندرجہ ذیل ویب سائٹ https://www.pass.gov.pk/ecs/uct_all.htmlآ ہُننگ مریک۔