وزیراعظم عمران خان تون بنجا ایوان ہائے صنعت و واپار نا صدر میاں انجم نثار نا نائب صدر آتون اوار اوڑدہی

کوروناریلیف فنڈ اکن 2 کروڑ روپئی نا چیک اس پیش کریر
اسلام آباد۔ 18 مئی (اے پی پی) وزیراعظم عمران خان تون صدر و بنجاایوان ہائے صنعت و واپار میاں انجم نثار، نائب صدور ڈاکٹر محمد ارشد و قیصر خان ئسک دوشنبے نادے ا اسلام آباد اٹی اوڑدہی کریر۔ وزیراعظم آفس نا میڈیا ونگ انا کنڈآن جاری بیان نا رداٹ اوبنجاایوان ہائے صنعت و واپار نا کنڈآن وزیراعظم کوروناریلیف فنڈ اکن 2 کروڑ روپئی نا چیک اس وزیراعظم ءِ پیش کریر۔ وزیراوعظم دا وخت آ گپ وتران کرسا پارے کہ کورونانا دین انا رداٹ حکومت صںعت آتے کاریم ءِ برجاتخنگ نا آسراتی تس ولے صںعت کارآک تینا ملازم آتے کورونا نا دین آن بچنگ نا خاطر رکھی گام گیج آتیا عملدرآمد ءِ پک کریر۔ اوپارے کہ ننے زرگزرانی سرجزو کورونانا برخلاف رکھی گام گیج آتے ٹی توازن تخوئی ءِ۔ وزیراعظم ایوان نا کنڈآن کورونا ریلیف فنڈ اٹ عطیہ کننگ نا ستاءِ کرے۔