یو این ایچ سی آر پاکستان کووڈ۔19 ءِ لاک ڈاون چہ آماچ بوتگءِ رجسٹرڈ اوگان باھوٹانی تہ 12 ہزار کلدار کیش گرانٹ ءِ بھرءُ بانگ پاکستان پوسٹ ءِ وسیلگ ءَ گوزوکیں ھپتگ ءَ چہ بندات کنگ انت

اسلام آباد ۔ 17 مئی (اے پی پی) یو این ایچ سی آر پاکستان کووڈ۔19 ءِ لاک ڈاون چہ آماچیں رجسٹرڈ افغان باھوٹانی تہ 12 ہزار کلدار کیش گرانٹ ءِ بھرءُ بانگ پاکستان ءِ کمک چہ گوزوکیں ھپتگ ءَ بندات کنگ انت۔یک شمبے ءَ یواین ایچ سی آر ءِپاکستان ءِ ربالکار قیصر خان ءَ اے پی پی ءَ گوں گپ ءُ تران کنان ءَ گوشت کہ پاکستان ءِ تہ لاک ڈاون ءِ سبب ءَ چہ اثرمند بوتگیں اوگان باھوٹیانی ھاندانانی تہ 12 ہزار کلدار کیش گرانٹ ءِ کمک پاکستان پوسٹ ءِ کمک ءَ گوں گوزوکیں ھپتگ ءَ چہ چاریں صوبگءُ بنجاہ پج ءَ بندات کنگ بیت وھدیکہ اولی بھر ءَ بزرگ، معذور مردم ءُ جنوزام زالبولانی تہ کیش گرانٹ ءِ پھجارگ بندات کنگ بیت۔ آہاں گوشت کہ جاپان ءِ حکومت ءُ مھلوک ءِ نیمگا چہ اوگان باھوٹیانی کمک ءِ ھاترا دھ لکھ ڈالر پھجارتگ انت۔ایشاں چہ اولی بھر ءَ 36 ہزار ھاندانانی تہ 12ہزار کلدار کیش گرانٹ بھر ءُ بانگ کنگ بنت۔ قیصر خانءَ گوشت کہ حکومت پاکستان ءَ احساس ایمرجنسی پروگرام ءِ ردا ہمہ وڈ ءَ حقداریں ھاندانانی تہ 12ہزار کلدار ءِ کیش گرانٹ بھرءُ بانگ کنگ ءَ روگ انت ہمہ وڈ ءَ اے پروگرام ھم کووڈ۔19 چہ اثرمندبوتگیں رجسٹرڈ افغان باھوٹانی کمک ءِ وسیلگ انت۔ آہاں گوشت کہ وزیر مملکت برائے سیفران شہریار خان آفریدی میاں اوستمانی براتری ءَ چہ کورونا وائرس ءِ لاک ڈاون ءَ چہ اثرمندیں اوگان باھوٹیانی کمک ءِ اپیل کتگ ات ایشی ءِ آسرءَ جاپان ءَ اے کمک پھجاراتگ انت۔