سندھ ءِ تہ اے وھد ءَ کووڈ۔19 ءِ نادراہانی ضلورت ءِ ردا مزنیں کچ ءَ وینٹیلیٹرز ساڑی انت۔ این ڈی ایم اے ءِ نیمگا چہ ھم سندھ ءَ را 20 بائی پیپ وینٹیلیٹرز دیگ بوتگ انت، این ڈی ایم اے

اسلام آباد ۔ 17 مئی (اے پی پی) نیشنل ڈیزاسٹر مینجمنٹ اتھارٹی (این ڈی ایم اے ) ءَ کووڈ۔19 ءِ ھاترا سندھ ءَ را پھجارتگ ءِ طبی اوزار ءِ تفصیل جاڑی کنان ءَ گوشت کہ سامان ءِ پنچمی کنسائنمنٹ ھم پھجارگ ءَ پہ ساجو انت۔ این ڈی ایم اے دراھیں صوبگانی ھوار آزات کشمیر ءُ گلگت بلتستان ءَ را بنجاھ ءِ نیمگا چہ کمک پھجارگ انت۔ این ڈی ایم اے ءِ ربالکار ءِ نیمگا چہ یک شمبے ءَ جاڑٛی تفصیلانی ردا سندھ ءِ تہ اے وھد ءَ کوووڈ۔19 ءِ نادراھانی ضلورت ءِ ردا مزنیں کچ ءَ وینٹیلیٹرزساڑی انت۔ این ڈی ایم اے ءِ نیمگا چہ ھم سندھ ءَ را20 بائی پیپ وینٹیلیٹرز دیگ بوتگ انت وھدیکہ این ڈی ایم اے ءِ ویئر ہاوس ءِ تہ تقریباً 500 وینٹیلیٹرز ساڑی انت۔اے وینٹیلیٹرز اسٹریٹیجک ریزروزانت ءُ ضلورت ءِ ردا صوبگءَ را ایشو کنگ بنت۔ربالکار ءِ گوشگ ءِ ردا تنیگہ سندھ ءِ را 10 لکھ 30 ہزار 163 فیس ماسک داتگ انت۔ 32ہزار 392 این۔ 95ءُ 2 لکھ 3 ہزار 840 ءِ این۔95 ماسک ھم سندھ ءَ را دیم داتگ انت۔ 2 لکھ 35 ہزار 479 حفاظتی سوٹ ءُ 8 ہزار 773 حفاظتی عینک ھم دیگ بوتگ انت۔ ربالکارءَ اے ھوالہ چہ گوشت کہ 2لکھ 42 ہزار 792 گلوزءُ 57 ہزار 844شوز کور، 94 ہزار 201 سرجیکل کیپ، 25 ہزار 351 گاون ءُ 9 ہزار 448 فیس شیلڈ ھم سندھ ءَ را دیم داتگ انت۔ربالکار ءَ گوشت کہ ٹیسٹنگ ءِ سامان سندھ ءِ ھوار دراھیں صوبگءَ را دیگ بوھگ انت۔ سندھ ءَ را 4 پی سی آر مشینز ءِ ھواریک آٹومیٹک مشین دیگ بوتگ انت۔ یک لکھ 23 ہزار 832 ٹیسٹنگ کٹس 55ہزار وی ٹی ایم ءَ 55 ہزار سویب (SWAB) ھم سندھ ءَ را داتگ انت۔50ہزار 768 مینول ءُ 8 ہزار آٹو ایکسٹرکشن کٹس ھم سامان ءِ تہ ھوار انت،ایشی ءِ ھوار ٹیسٹنگ کٹس ءَ را اسٹور کنگ ءِ 2 بائیو سیفٹی الماری، 200 تھرمل گنز ءُ 30 ہزار بائیو ٹیک ٹیوب ھم سندھ ءِ سامان ءِ ھوار انت۔ 9 ہزار بائیو ہزرڈ بیگز،یک ہزار 20 باڈی بیگز ءُ 25 ہزار سینیٹائزر ءِ بوتل ھم سندھ حکومت ءَ را داتگ انت۔ ربالکارءِ گوشگ ءِ ردا سندھ ءِ ھاتراسامان ءِ پنچمی کنسائنمنٹ ھم تیار انت۔ پنچمی کنسائنمنٹ ءِ تہ سندھ ءِ ھاترا2 ہزار 822 این95، 3 ہزار 136 ڈی۔95 آئی سی یو گریڈ ماسک ءُ 48 ہزار 384 کے این۔95 ماسک، یک لکھ 12ہزار فیس ماسک ءُ 66 ہزار 726حفاظتی سوٹ ھم پنچمی کنسائنمنٹ ءِ تہ ھوار انت۔ ربالکار ءَ گوشت کہ 4 ہزار 480گاون، 4 ہزار 256 سرجیکل کیپ ءُ 8 ہزار 960 فیس شیلڈز ھم پنچمی کنسائنمنٹ ءِ تہ ھوار انت۔ایشی ءِ ھوار 16 ہزار 890 گلوز، 6 ہزار 272 حفاظتی عینک ءُ 6 ہزار 275 بوتلیں سینیٹائز ھم سندھ ءِ پنچمی کنسائنمنٹ ءِ تہ انت۔