نیشنل کمانڈ اینڈ آپریشن سینٹر، کورونا وائرس ءِ باروا نوکتریں اپ ڈیٹ برجاہ

اسلام آباد۔ 16 مئی (اے پی پی) نیشنل کمانڈ اینڈ آپریشن سینٹر ءَ کورونا وائرس ءِ باروا نوکتریں اپ ڈیٹ جاڑی کتگ انت،ملک ءِ تہ کورونا وائرس ءِ ایکٹو کیسز ءِ کساس 27ہزار85، تصدیق شدہ کیسز ءِ کساس ھم 38ہزار799تاں سر بوتگ۔ گوستگیں 24 کلاکانی تہ 1581نوکیں کیسز رپورٹ بوتگ انت،31ودک ءِ بیرانی ءَ گوں مچ کساس 834 بوتگ انت۔این سی او سی ءِ گوشگ ءِ رداپنجاب ءِ تہ کورونا وائرس کیسز ءِ کساس 14ہزار201تاں سربوتگ، سندھ ءِ تہ 14ہزار916 کورونا وائرس کیسز رپورٹ بوتگ انت، خیبر پختونخواءِ تہ 5ہزار678ءُ اسلام آباد ءِ تہ 921 بوتگ، بلوچستان ءِ تہ 2457, گلگت بلتستان ءِ تہ 518 کیسز رپورٹ بوتگ انت، آزات کشمیر ءِ تہ کورونا وائرس ءِ کیسانی کساس 108بوتگ۔ سرجمیں ملک ءِ تہ تنیگہ تاں 10ہزار 880 نادراہ سرجمیں وڈءَ جان دراھ بوتگ انت۔ این سی او سی ءِ گوشگ ءِ ردا کورونا وائرس چہ بیران بوتگءِ مردمانی کساس 834تاں سربوتگ،گوستگیں 24کلاکانی تہ 31 نوکیں بیرانی بوتگ انت ایشانی تہ سندھ ءِ تہ 225، پنجاب 245، کے پی کے 291، گلگت بلتستان 4، اسلام آباد 7 ءُ بلوچستان ءِ تہ 31ھوار انت۔ تنیگہ 3 لکھ 59ہزار مردماں کورونا وائرس ءِ ھاترا ٹیسٹ کتگ ات۔ گوستگیں 24کلاکانی تہ 14ہزار878مردمانی ٹیسٹ کنگ بوتگ انت۔ملک ءِ 735ہسپتالانی تہ 8461نادراھ ءَ را طبی آسراتی دیگ بوھگ انت۔ 292کورونا اثرمندانی جاورنگیگ گوشگ بوھگ انت۔(ن۔ا۔ج)