نیشنل ڈیزاسٹر منیجمنٹ اتھارٹی ءَ ماکڑ ءِچہ آماچیں صوبگءَ رااسپریئرز ءُ زہر ءِ پھجارگ بندات کتگ

اسلام آباد۔ 16مئی (اے پی پی) نیشنل ڈیزاسٹر منیجمنٹ اتھارٹی ءَ ماکڑ ءَ چہ آماچیں صوبگءَ رااسپریئرز ءُ زہر ءِ پھجارگ بندات کتگ۔ این ڈی ایم اے ءِ ربالکار ءِ گوشگ ءِ ردا ماکڑ ءَ را ھلاس کنگ ءِ اسپریئرز ءُ زہر آماچیں صوبگءَ را دیم دیگ بوتگ انت۔بلوچستان، سندھ ءُ پنجاب ءَ را 12،12 وھدیکہ خیبر پختونخوا ءَ را 6 ءُ ڈی پی پی ءَ را 8 اسپرئیرز داتگ انت۔ ایشی ءِ ابید آماچیں صوبگ ءِ تہ ماکڑ ءَ را ھلاس کنگ ءِ ھاترا 3لکھ 50ہزار لیٹر درمان ھم پھجارگ بوتگ انت۔ ربالکار ءِ گوشگ ءِ ردا بلوچستان ءَ را یک لکھ 6 ہزار 200، سندھ ءَ را یک لکھ 24 ہزار، پنجاب ءَ را 79ہزار 800 ءُ ڈی پی پی ءَ را 40ہزار لیٹر درمان ھوار انت۔