ابراہیمی ٹرسٹ پشاور نا کنڈآن 50 لکھ روپئی نا چیک اس وزیراعظم ءِ کوروناریلیف فنڈ اکن پیش کرے
اسلام آباد۔ 15 مئی (اے پی پی) وزیراعظم عمران خان تون خیبر پختونخوانا صوبائی اسمبلی نا اسپیکر مشتاق احمد غنی اوڑدہی کرے۔ جمعہ نادے آ وزیراعظم آفس نا میڈیا ونگ انا کنڈآن جاری بیان نارداٹ مشتاق احمد غنی ابراہیمی ٹرسٹ پشاور نا کنڈآن 50لکھ روپئی نا چیک اس وزیراعظم کوروناریلیف فنڈ اکن وزیراعظم ءِ پیش کرے۔ اسپیکر خیبر پختونخوا وزیراعظم ءِ صوبہ خیبر پختونخوا اسمبلی نا پبلک اکاؤنٹس کمیٹی نا سالانہ آڈٹ رپورٹ و کارکڑدگی نا بارواٹی معلومدارکرسا پارے کہ چندی محکمہ غاتیان آڈٹ پیراز آتا مداٹ 5 ارب روپئی نا ریکوری شاغنگانے۔ اوپارے کہ تدوک آ مالی سال اٹی کفایت شعاری مہم نا کمک اٹ کم و ود 12 کروڑ روپئی نا بچت کننگا۔ وزیراعظم ابراہیمی ٹرسٹ انا کنڈآن کوروناریلیف فنڈ اٹ بشخ شاغنگ نا ستاءِ کرے و صوبہ خیبر پختونخواہ ٹی سرکاری خزانہ نا بچت نا بابت گام گیج آتا است بڈی ءِکرے۔
