ملک اٹی کوروناوائرس نا پک کیس آتا کچ 35,788، مرک آتا کچ 770 مس، نیشنل کمانڈ اینڈ آپریشن سینٹر
اسلام آباد۔ 14 مئی (اے پی پی) نیشنل کمانڈ اینڈ آپریشن سینٹر کوروناوائرس نا بابت تازہ انگا اپ ڈیٹ ءِ جاری کرے، ملک اٹی کورونانا ایکٹیو کیس آتا کچ 25 ہزار 232، پک کیس آتا کچ ہم 35ہزار 778 اسکان سرمس۔ تدوک آ 24 گھنٹہ ٹی 1452پوسکن ءُ کیس رپورٹ مس، 33 پین مرک آتون اوار جم مرک آتا کچ 770 مس۔ این سی او سی نا رداٹ سندھ اٹی غٹ آن زیات 13 ہزار 561 کوروناوائرس کیس رپورٹ مس۔ پنجاب اٹی کورونا وائرس کیس آتاکچ 13ہزار 546 اسکان سرمس۔ خیبر پختونخواٹی کیس آتا کچ 5 ہزار 252 و اسلام آباد اٹی 822 مس، بلوچستان اٹی 2239، گلگت بلتستان اٹی 482 کیس رپورٹ مس۔ آزاد کشمیر اٹی کوروناوائرس کیس آتا کچ 91 مس۔ مچ آ ملک اٹی داوخت اسکان 9 ہزار 695 ناجوڑ پورو وڑاٹ دراخہ جوڑ مسنو۔ این سی او پی نا رداٹ کوروناوائرس آن مرک انا باٹی ہنوک آبندغ آتا کچ 770 اسکان سرمس ہرافتیان سندھ اٹی داوخت اسکان کوروناوائرس آن 234، پنجاب اٹی 223، کے پی کے ٹی 275، گلگت بلتستان اٹی 4، اسلام آباد اٹی 6 و بلوچستان اٹی 27 ناجوڑ و آزاد کشمیر اٹی کوروناوائرس نا سوب اولیکو ناجوڑ اوار ءِ۔ داوخت اسکان 3 لکھ 30 ہزار750 بندغ آتا کوروناوائرس ٹیسٹ ءِ کننگا، تدوک آ بیست ءُ چار گھنٹہ ٹی 13 ہزار 51بندغ آتا ٹیسٹ ءِ کننگا۔ ملک انا 735 ہسپتال آتے ٹی جوڑ آئسولیشن وارڈ آتے ٹی 8006 ناجوڑ درمان مننگ ءُ۔ 300کورونا زہمی تا حالیت نازرک پاننگ انگ ءِ ۔
