اسلام آباد۔ 14 مئی (اے پی پی) پاکستان پوسٹ شاری تا ویل آتا مون ءِ توننگ و دانا وڑوڈول ءِ گچین کننگ کن مچ آ ملک اٹی غٹ 83 جنرل پوسٹ آفس (جی پی او) ٹی کمپیوٹرائزڈ پنشن زرتس انا نظام ءِ نافذ کرینے۔ ادارہ نا ترجمان ’’اے پی پی‘‘ ءِ پارے کہ صارف آتا آسراتی کن جم وڑاٹ پنشن زرتس نا نظام ءِ کمپیوٹرائزڈ کننگ نا سخت گرج ءِ۔ پاکستان پوسٹ جندی و کاروباری گرج ہڑتوم آتے کن راج انا چندی تپہ غاتے بھلو کچ اسے آ مصنوعات و سروس فراوان کیک۔ دا روایتی سروسز پاکستان پوسٹ نا بنداوی کاروبار ءِ۔ پاکستان پوسٹ یونیورسل پوسٹل یونین(یو پی یو) نا حکمت عملی نا رداٹ یونیورسل پوسٹل سروس نیٹ ورک فراوان کننگ ءِ تانکہ اڑزان نہاد آ خور، زر و گڑاتا رکھ ووخت آ فراوانی ءِ پک کننگ مرے۔
