اسلام آباد۔ 14 مئی (اے پی پی) وزیراعظم عمران خان پارینے کہ احساس ایمرجنسی کیش پروگرام نا رداٹ 82 لکھ بندغ آتے ٹی داوخت اسکان 101 ارب روپئی بشخنگانے۔ پنچ شنبے نادے آ تینا ٹویٹ اٹی اوپروگرام نا رداٹ امداد نا سرجم آتے جاری کرساپارے کہ احساس ایمرجنسی کیش پروگرام آن داوخت اسکان فائدہ ہرفوک آتا کچ 82 لکھ 98 ہزار 671 ءِ و دافتے ٹی 101 ارب 6 کروڑ 22 لکھ روپئی بشخنگانے۔ پنجاب اٹی دا پروگرام نا رداٹ داوخت اسکان 35 لکھ 59 ہزار 788 بندغ آتے ٹی 43 ارب 28 کروڑ14 لکھ روپئی، سندھ اٹی 25 لکھ 85 ہزار 982 بندغ آتے ٹی 31 ارب 24 کروڑ26 لکھ روپئی، خیبر پختونخواہ ٹی 15 لکھ 58 ہزار 532 بندغ آتے ٹی 19 ارب 21 کروڑ36 لکھ روپئی و بلوچستان اٹی 3 لکھ 70 ہزار 940 بندغ آتے ٹی 4 ارب 64 کروڑ 46 لکھ روپئی بشخنگانے۔ اسلام آباد اٹی احساس ایمرجنسی کیش پروگرام نا رداٹ31 ہزار 377 بندغ آتے ٹی 38کروڑ 11 لکھ روپئی، آزاد کشمیر اٹی 1 لکھ 28 ہزار 289بندغ آتے ٹی 1 ارب 60کروڑ 16 لکھ روپئی و گلگت بلتستان اٹی 54 ہزار 763 بندغ آتے ٹی 69 کروڑ 72 لکھ روپئی بشخنگانے۔ وزیراعظم پارے کہ احساس ایمرجنسی کیش پروگرام نا رداٹ دا امداد پاکستان اٹی کوویڈ۔ 19 دین آن ودی مروک آ زرگزرانی تنکی تون مون تننگ کن حقدار بندغ آتے تننگانے۔
