احساس ایمرجنسی کیش پروگرام نا رداٹ 79 لکھ 18 ہزار حقدار بندغ آتے ٹی 96 ارب 49 کروڑ 16 لکھ روپئی بشخنگا

اسلام آباد۔ 13 مئی (اے پی پی) احساس ایمرجنسی کیش پروگرام نا رداٹ حقدار بندغ آتے ٹی زر انا بشخنگ برجاءِ۔ صوبائی و علاقائی لحاظ اٹ داوخت اسکان بشخوک آ زر آتا سرجم آتا رداٹ مچ آ ملک اٹی کل 96 ارب 49 کروڑ16 لکھ روپئی آن زیات زر 79 لکھ 18 ہزار آن زیات بندغ آتے ٹی بشخنگانے۔ احساس ایمرجنسی کیش پروگرام نا کنڈآن جاری کروک سرجم حوال آتارداٹ پنجاب اٹی 41 ارب 19 کروڑ روپئ آن زیات زر 33 لکھ 85 ہزار آن زیات بندغ آتے ٹی بشخنگانے۔ سندھ اٹی 30 ارب 20 کروڑ روپئی آن زیات زر 24 لکھ 99 ہزار آن زیات بندغ آتے ٹی بشخنگانے۔ خیبر پختونخوا ٹی 17 ارب 97 کروڑ روپئی آن زیات زر 14 لکھ 55 ہزار آن زیات بندغ آتے ٹی بشخنگانے۔ بلوچستان اٹی 4 ارب 49 کروڑ روپئی آن زیات زر 3 لکھ 67 ہزار آن زیات بندغ آتے ٹی بشخنگانے۔ آزاد کشمیر اٹی 1 ارب 59 کروڑ روپئی آن زیات زر 1 لکھ 27 ہزار آن زیات بندغ آتے ٹی بشخنگانے۔ گلگت بلتستان اٹی 66 کروڑ روپئی آن زیات زر 52 ہزار آن زیات بندغ آتے ٹی بشخنگانے۔ اسلام آباد اٹی37 کروڑ روپئی آن زیات زر 30 ہزار آن زیات بندغ آتے ٹی بشخنگانے۔ احساس ایمرجنسی کیش صارف آتے ٹی کیٹیگری نا لحاظ اٹ داوخت اسکان بشخوک آ زر انا سرجم آتا رداٹ اولیکو کیٹیگری ٹی احساس ولشت صارف آک اوار ءُ۔ دا کیٹیگری نا رداٹ 54 ارب 54 کروڑ روپئی آن زیات زر مچ آ ملک اٹی 44 لکھ آن زیات بندغ آتے ٹی بشخنگانے۔ ارٹ میکو کیٹیگری ٹی صارف آتا پیدواری ءِ 8171 ایس ایم ایس سروس نا کمک اٹ کننگانے۔ دا کیٹیگری نا رداٹ 36 ارب 14 کروڑ آن زیات زر مچ آ ملک اٹی 30 لکھ آن زیات بندغ آتے ٹی بشخنگانے۔ مسٹ میکو کیٹگری نارداٹ صارف آتا پیدواری ءِ بذریعہ ضلعی انتظامیہ کننگ انگ ءِ۔ دا کیٹیگری نا رداٹ 5 ارب 80کروڑ آن زیات زر مچ آ ملک اٹی 4 لکھ 83 ہزار آن زیات بندغ آتے ٹی بشخنگانے۔ مسٹ میکو کیٹیگری ٹی صارف آتے ادائیگی 8 مئی آن بناکرینے۔