وزیراعظم نا خصوصی کمکار قومی جان جوڑی ڈاکٹر ظفرمرزا نا ٹی ٹی کیو سینٹر ڈی ایچ او آفس نا دورہ ءِ کننگ نا وخت آ گپ وتران

اسلام آباد۔ 13 مئی (اے پی پی) وزیراعظم نا خصوصی کمکار قومی جان جوڑی ڈاکٹر ظفر مرزاپارینے کہ کوروناوائرس آن بچنگ کن گچین گام گیج آتے پک کننگ اُن۔ ٹی ٹی کیو ڈٹ انا رداٹ آئی سی ٹی نا ٹیمک ترندی اٹ کاریم کننگ ءُ۔ ٹریسنگ ٹیسٹنگ کوارنٹائن پالیسی نارداٹ زیات ٹیسٹ کننگ نا پالیسی آعملدرآمد برجاءِ، قومی ایکشن پلان نارداٹ مچ آ پاکستان اٹی دا پالیسی آ عمل کننگ انگ ءِ، کیپیٹل اٹی 16 ٹیم فیلڈ اٹ کاریم کننگ ءُ۔ داخیال آتا درشانی ءِ او چارشنبے نادے آ ٹی ٹی کیو سینٹر ڈی ایچ او آفس نا دورہ ءِ کننگ نا وخت آ کرے۔ دا وخت آ ڈاکٹر ظفر مرزا ءِ کوروناوائرس تون مون تننگ کن ٹی ٹی کیو نا ڈٹ آتیا سرجم حوال تننگا۔ ڈاکٹر ظفر مرزا پارے کہ کوروناوائرس وائرس آن بچنگ کن گچین گام گیج آتے پک کننگ اُن۔ ٹی ٹی کیو ڈٹ انارداٹ آئی سی ٹی نا ٹیم مستعدی اٹ کاریم کننگ ءُ۔ ٹریسنگ ٹیسٹنگ کوارنٹائن پالیسی نا رداٹ زیات ٹیسٹ کننگ نا پالیسی آ عمل برجاءِ۔ اوپارے کہ قومی ایکشن پلان نا رداٹ مچ آ پاکستان اٹی دا پالیسی آ عمل کننگ انگ ءِ۔ کیپیٹل اٹی 16 ٹیم فیلڈ اٹی کاریم کننگ ءُ۔ ڈاکٹر ظفرمرزا پارے کہ دا ٹیمک اُرا و بازار تیا ہنسا کوروناوائرس نا رابطہ نا ٹیسٹ ءِ کیرہ۔ 3300آن زیات روابطہ نا ٹیسٹ آئی سی ٹی ٹی داوخت اسکان کرینن۔ اوپارے کہ اسلام آباد اٹی 759 کیس ءُ پازیٹیو ءُ ہرافتیان 256 کیس آتے ٹی ٹی کیو ٹریس کرینے۔ وزارت ہیلتھ 20 آن زیات گائیڈلائنز الس نا آگاہی کن جاری کرینے۔ ڈٹ انا رداٹ 20 ہزار نا ہدف ہڑدے نا بنداو آ مقرر کرینے۔