پاکستان نا واپار ءِ یورپی یونین تون جی ایس پی پلس معاہدہ نا فائدہ رسینگانے، وزیراعظم عمران خان نا ٹویٹ

اسلام آباد۔ 13 مئی (اے پی پی) وزیراعظم عمران خان پارینے کہ پاکستان نا واپار ءِ یورپی یونین تون جی ایس پی پلس معاہدہ غان فائدہ رسینگانے ، نن 27 انٹرنیشنل کنونشنز ہرافتے ٹی نن فریق اُن بشمول 6 انسانی حق کنونشنزہراکہ جی ایس پی پلس معاہدہ نا بشخ ءُ، نا رداٹ تیان وعدہ غاتے پورو کننگ کن کاریم کرسا کینہ۔ داہیت ءِ او چارشنبے نادے آ ٹویٹر آ تینا کلہو اٹی پارے۔ وزیراعظم پارے کہ پاکستان جی ایس پی پلس نا بابت ہراوعدہ غاتے کرینے او پاکستان کن فائدہ مند ءُ۔ اوپارے کہ نن زالبول آتے میرات اٹی اوفتا حق ترفنگ کن کانود سازی کرینن۔ نن چناتتون مشقت نا چٹفنگ و محنت بندغ آتا حق انا بابت ہم کانود نا نافذ کننگ کن سبرینگوک اُن۔ صحافی و میڈیا تون وابستہ کارندہ غاتا رکھ و تشدد نا توننگ نا بابت کانود ءِ گچین کننگ اُن و نن انسانی حق اتون تینا عزم آ ہم پورو وڑاٹ سلوک اُن ۔ وزیراعظم پارے کہ حکومت نا بلین ٹری سونامی ، ملک ءِ سرسوز و شاداب کننگ نا ڈٹ و انسانی حق انا رکھ اکن نیشنل ایکشن پلان ءِ یورپی یونین مہالوآن ستاءِ کرینے۔ وزیراعظم پارے کہ ننا واپار و زرگزران جی ایس پی پلس نا خصوصی حیثیت اٹ فائدہ ہرفسا کیک و نن تینا الس نا فائدہ ٹی انسانی حق انا تینا وعدہ غاتیا کاریم ءِ مون آ دینہ۔