اسلام آباد۔ 12 مئی (اے پی پی) پیپلز پارٹی ءِ سینیٹ ءَ مزن گسی راہشون شیری رحمان ءَ گشتگ کہ کورونا ہوپ ءَ را گرءُ دار کنگءِ ھاترءَ محکم ءُ یک وڑیں پالیسی جوڑ کنگ ءِ ضلورت اںت، اے وہدءَ اُلسءَ را یکوئی ءِ کلوہ دیئگءِ ضلورت اںت۔ دوشمبے ءِ روچءَ ایوان بالا ءَ کورونا وائرس ءِ ہوپ ءَ چہ ودی بوتگیں ناگیگیں جاورھالانی سرءَ باست واست کنگ ءِ تحیریک ءِ سرءَ باتءُ واست ءَ برزُرتگ ءُ سینیٹر شیری رحمان ءَ گشتگ کہ ملکی راجدپتر ءَ اولی رندءَ اے وڑیں ہوپ ءِ دیمپانی کنگ بوہگءَ اِںت ۔ سرجمیں ملک ءَ لاک ڈاؤن ہلاس بوہتگ۔ ایس او پیز ءِ سرءَ عمل کنگ نا بوہگءَ اِںت،اے ہوالگءَ یک وڑیں ءُ محکمیں پالیسی جوڑ کنگ ءِ ضلورت اِنت۔
