اسلام آباد۔ 12 مئی (اے پی پی) سینٹءَ حزب اختلاف ءِ سروک راجہ ظفر الحق ءَ گشتگ کہ حکومت کورونا ءِ ہوپ ءَ چہ ودی بوتگیں ناگیگیں جاورھالاں اپوزیشن ءِ یکجاہی ءَ گیشءُ گیوار کنگ لوٹ ایت، مقبوضہ کشمیر ءَ کشمیری آنی سرءَ زُؒلم ءُ ناحقی کنگ بوہگءَ اِںت ءُ بارت ءَ مسلمان آنی حالت سک ناگیگ اَنت۔ دوشمبے ءِ روچءَ ایوان بالا ءَ کورونا وائرس ءِ ہوپ ءَ چہ ودی بوتگیں جاورھالانی سرءَ باست ءُ واست کنگءِ تحریک ءِ سرءَ باست ءِ بندات کتگ ءُ راجہ ظفر الحق ءَ گشتگ کہ کورونا ءِ انوگیں جاورھال ءِ ردءَ دوئیں ایوان راجی اسمبلی ءُ سینیٹ ءِ ہمک روچگیں دیوان توار کنگ بہ بیت۔ اےدیوان اپوزیشن ءِ ریکوزیشن ءَ توار کنگ بوتگ۔آئی ءَ گشتگ کہ صوبہ سندھ ءِ حلاپ ءَ پندل سازگ بوہگءَ اںت۔ کورونا وپ ءِ ہوالگ ءَ راجی پالیسی دیما آرگ ءِ ضلورت اِنت۔ صوبہ سندھ بنجاہ ءَ گوں سرجمءَ کمک کنگءَ اِںت۔ مقبوضہ کشمیر ءِ شہری 5اگست ءَ چہ لاک ڈاؤن ءَ اَنت۔ کشمیری آنی سرءَ زُلم ءُ ناحقی کنگ ءَ بوہگءَ اِںت۔ بھارتءَ مسلمان آنی حالت ناگیگ اَنت۔
