کورونا وائرس ءِ سبب ءَ نرسنگ ءِ کزب ءِ ارزشت گیش ود اتگ
اسلام آباد۔ 12 مئی (اے پی پی) مزن وزیر ءِ ھاسیں کمکار ڈاکٹر ظفر مرزا ءَ گوشت کہ نرسنگ ءِ میاں اوستمانی کد ءُ بالاد ءِ رد ءَ پاکستان ءَ را 13 لکھ گیش نرس آنی ضلورت انت، سرجمیں ملک ءَ 87 ہزار رجسٹرڈ نرس کار کنگ ءَ انت، نرسنگ ءِ ھوالگ ءَ کانود ءِ سر ءَ کار کنگ ءَ آں ایش وتی گڈی بھر آنی تہ ءَ سر انت۔ اے ھیالانی درشانی آئی ءَ نرس آنی میاں اوستمانی روچ ءِ موہ ءَ میڈیا ءَ را بریفنگ دیان ءَ کت۔ آئی ءَ گوشت کہ 12 مئی ءَ سرجمیں دگنیا ءَ نرس آنی میاں اوستمانی روچ ءِ درگت ءَ برجم دار ایت، نرسز ءُ مڈ وائف جان سلامتی ءِ شوبگ ءَ سرین ءِ ھڈ ءِ بستار ءَ دار انت۔ نرس چار ءُ گزار ءِ کنگ ءِ رد ءَ سک باز ارزشتی انت۔ آئی ءَ گوشت کہ میاں اوستمانی ادارگ ءَ سال 2020 ءَ نرس ءُ مڈ وائف ءِ میاں اوستمانی سال نامینتگ۔ ڈبلیو ایچ او ءِ رد ءَ جان سلامتی ءِ کوریج کنگ ءِ واستہ 9 ملین گیش نرسز ءُ دائی آنی ضلورت انت۔ ھاسیں کمکار ءَ گوشت کہ اے وھد ءَ 87 ہزار رجسٹرڈ نرس کار کنگ ءَ انت۔
