اسلام آباد ۔ 12 مئی (اے پی پی) مزن وزیر عمران خان ءَ سرجمیں ملک ءَ ٹائیگر فورس ءَ سرجمیں رنگ ءَ برجا کنگ ءِ پنت ءُ شون کنان ءَ گوشت کہ مشکلیں وھد ءَ راج ءِ واستہ وھد کشوکیں ورنا راج ءِ بامرد انت، ضلع، تحصیل ءُ یونین کونسل ءِ تک ءَ ٹائیگر فورس آناں کار گرگ بیت ءُ انتظامی تک ءَ کار گہتریں رنگ ءَ بنت۔ اے پنت ءُ شون آئی ءَ ٹائیگر فورس ءِ ھوالگ ءَ برجم داشتگیں دیوان ءَ گشتانک دیان ءَ کت انت۔ دیوان سئے شمبے ءِ روچ ءَ برجم دارگ بوتگ ات ایشی ءِ تہ ءَ سر وزیر پنجاپ سردار عثمان بزدار ءُ سر وزیر خیبر پختونخوا محمود کان ، صوبائی چیف سیکرٹریز ءُ کمشنر آں ویڈیو لنک ءِ وسیلگ ءَ بھر زوری کت۔ دیوان ءَ مزن وزیر ءَ را صوبائی تک ءَ ٹائیگر فورس ءِ ھمک ھپتگی رپوٹ پیش کنگ بوت۔ مزن وزیر ءَ را ٹائیگر فورس ءِ ھوالگ ءَ سر وزیر ءُ چیف سیکرٹریز آناں گائیڈ لائنز ءِ پجاری کنگ بوت۔ مزن وزیر عمران خان ءَ سرجمیں ملک ءَ ٹائیگر فورس ءِ سرجمیں رنگ ءَ برجا کنگ ءِ پنت ءُ شون کت ءُ گوشت کہ ضلع تحصیل ءُ یونین کونسل تک ءَ ٹائیگر فورس برجم کنگ بہ بنت۔ آئی ءَ گوشت کہ ٹائیگر فورس ءَ چہ احساس لی بر رجسٹریشن پروگرام ءِ کمک زورگ بہ بیت۔ ٹائیگر فورس ءِ بامردیں ورنا ملک ءِ برورد انت۔ آئی ءَ گوشت کہ مشکلیں ساھت ءَ راج ءِ واستہ وھد کشوکیں ورنا راج ءِ بامرد انت، انتظامی تک ءَ گہتریں کورآرڈینیشن دل یکیمی کنگ بہ بیت۔
