ملک ءِ تہ کورونا وائرس ءِ تصدیق شدہ کیسز ءِ کساس32,081، بیرانی706 بوگ انت
8,555 آماچیں مردم جان دراھ،3,05,851 مردمانی ٹیسٹ کنگ بوتگ انت، نیشنل کمانڈ اینڈ آپریشن سینٹر
اسلام آباد ۔ 12 مئی (اے پی پی) نیشنل کمانڈ اینڈ آپریشن سینٹر ءَ کورونا وائرس ءِ باروا نوکتریں اپ ڈیٹ جاڑی کتگ انت۔سرجمیں ملک ءِ تہ کورونا ءِ ایکٹو کیسز ءِ کساس 22 ہزار 820، تصدیق شدہ کیسز ءِ کساس ھم 32 ہزار 81 تاں سر بوتگ ۔گوستگیں 24 کلاکانی تہ 1140 نوکیں کیسز رپورٹ بوتگ انت، 39 گیش ءِ بیرانی ءَ گوں مچ بیرانی 706 بوتگ انت۔ این سی او سی ءِ ردا پنجاب ءِ تہ کورونا وائرس ءِ کیسانی کساس 11 ہزار 869 تاں سر بوتگ انت، سندھ ءِ تہ 12 ہزار 17 کورونا وائرس کیسز رپورٹ بوتگ انت، خیبرپختونخوا ءِ تہ کیسز ءِ کساس 4 ہزار 875 ءُ اسلام آباد ءِ تہ 716 بوتگ انت، بلوچستان ءِ تہ 2061، گلگت بلتستان ءِ تہ457 کیسز رپورٹ بوتگ انت۔ آزاد کشمیر ءِ تہ کورونا وائرس کیسز ءِ کساس 86 بوتگ انت۔ سرجمیں ملک ءِ تہ تنیگہ 8 ہزار 555 نادراھ سرجمیں وڈءَ جان دراھ بوتگ انت۔ این سی او سی ءِ گوشگ ءِ ردا کورونا وائرس چہ بیران بوتگیں مردمانی کساس 706 تاں سربوتگ انت۔گوستگیں 24 کلاکانی تہ39 نوکیں بیرانی بوتگ انت۔ایشانی تہ سندھ ءِ200، پنجاب 211، کے پی کے 257، گلگت بلتستان 4، اسلام آباد 6 بلوچستان 27 نادراھ ھوار انت۔تنیگہ آزاد کشمیر ءِ تہ کورونا وائرس چہ بیران بوتگ ءِ اولی نادراھ ھوارانت۔تنیگہ 3 لکھ 5 ہزار 851 مردمانی کورونا ھاترا ٹیسٹ کنگ بوتگ انت۔گوستگیں 24 کلاکانی تہ 10 ہزار 957 مردمانی ٹیسٹ کنگ بوتگ انت۔ملک ءِ 735 ہسپتالانی تہ ہڈ آئسولیشن وارڈز ءِ تہ 6661 نادراھ ءَ را طبی آسراتی دیگ بوھگ انت۔281 کورونا نادراہانی جاورنگیگ گوشگ بوھگ انت۔
