گندیم ءِ بھازورگ ءِ 48.02 فیصد ٹارگٹ زرتگ انت
اسلام آباد ۔ 12 مئی (اے پی پی)گندیم بھازورگ ءِ جنز چکاریں وڈءَ برجاہ انت، گندیم ءِ بہازورگ ءِ 48.02 فیصد ٹارگٹ زرتگ انت، حکومت ءَ ملکی ءُ ایکسپورٹ ءِ ضلورت سرجم کنگ ءِ ھاترا گوزوکیں سیزن 2019-20ءِ تہ 8.25 ملین ٹن گندیم بھازورگ ءِ منظوری داتگ انت، پاسکو ءِ بہازورگ ءِ ٹارگٹ 8 لکھ 126 میٹرک ٹن ایر کتگ انت۔ وزارت نیشنل فوڈ سکیورٹی اینڈ ریسرچ ءِ ویٹ کمشنر ڈاکٹر امتیاز علی گوپانگ ءَ”اے پی پی“ ءَ را سرپد کتگ کہ تنیگہ 3.961 ملین گندیم بھازورگ بوتگ انت ہمہ کہ مچ ٹارگٹ ءِ 8.25 ملین ٹن ءِ 48 فیصد انت۔ آہاں گوشت کہ پاکستان ایگریکلچر سٹوریج اینڈ سروس کارپوریشن (پاسکو) ءَ گوزوکیں سیزن ءِ تہ بھازورگ ءِ ٹارگٹ ءِ44.45 فیصد حاصل کتگ، گندیم بھازورگ ءِ تہ کاشتکارانی آسراتی ءِ ھاترا سرجمیں ملک ءِ تہ بھازوتگ ءِ سینٹر ہڈ دیگ بوتگ انت۔آہاں گیش سرپد کتگ کہ چاریں صوبگانی تہ بھازورگ ءِ جنز برجاہ انت ءُ گندیم ءِ چکاریں فصل بوتگ انت۔آہاں گوشت کہ 1400 کلداریک من نہاد ایر انت۔آہاں گوشت کہ وزیر نیشنل فوڈ سکیورٹی اینڈ ریسرچ ءِ کڈنی ءِ ردا نگہوانی ءِ کار ءَ را شر جوڈ کنگ بوتگ انت۔آہاں گیش سرپد کتگ کہ گوزوکیں سیزن 2109-20ءِ تہ صوبہ پنجاب ءِ گندیم ءِ بہازورگ ءِ ٹارگٹ 45 لکھ ٹن وھدیکہ سندھ ءِ 7 لکھ 77 ہزار 440 ٹن مقرر انت۔
