اسلام آباد ۔ 12 مئی (اے پی پی) وزیراعظم ءِ صڷہ کار برائے ھزانگ ڈاکٹر عبدالحفیظ شیخءَ وزارت میری ٹائم افیئرز ءِ منصوبگانی ھاترا مالی کمک ءِ پھجارگ ءِ سدکی داتگ انت۔ اے گپ آہاں بنجاہی وزیر میری ٹائم افیئرز علی زیدی ءِ گوما گند ءُ نند ءِ تہ کتگ انت۔علی حیدرزیدی ءَ ڈاکٹرعبداالحفیظ شیخ ءِ گوما وتی وزارت ءِ ہمہ برجاہیں پراجیکٹس ءِ باروا گپ ءُ تران کتگ کہ آہانی ھاترا آوکیں سال ءِ مالی بجٹ ءِ تہ مالیاتی کمک ءِ ضلورت بیت۔آہاں ڈاکٹرعبدالحفیظ شیخ ءَ را سال 2022-23 ھاترا میاں اوستمانی میری ٹائم آرگنائیزیشن کونسل ءِ گچینکاری مڑگ ءِ ھاترا وزارت مالیاتی ضلورتاں چہ سرپد کتگ۔علی حیدرزیدی ءَ گوشت کہاے عمل ءِ سرا چست بوتگیں ھرچ ءِ اسٹیمیٹ برطانیہ ءِ تہ پاکستانی ہائی کمیشن ءِ شئورءُ صلاح ءَ گوں تیار کنان ءَ فنانس ڈویژن ءِ تہ داخل کنگ بوتگ۔مزن وزیر ءِ صلہ کار ءَ بنجاہی وزیر ءَ را منصوبگانی تہ سرجم کمک ءِ سدکی داتگ، آہاں اے امیت ءِ درشان کتگ کہ وزارت میری ٹائم افیئرز مالی سال 2020-21 ھاترا ایر کتگیں بجٹ سیلنگ ءِ راھبنداں پیلو کن ایت۔
