بنجائی وزیر بجلی و پٹرولیم عمر ایوب خان یا اونا زیر کفالت بندغ اسے نا آئی پی پی ٹی شیئر اس ارے نئے اقتصادی فائدہ اس گنڈوک ءِ، ترجمان پاور ڈویژن

اسلام آباد۔ 11 مئی (اے پی پی) پاور ڈویژن نا ترجمان پارینے کہ بنجائی وزیر بجلی و پٹرولیم عمر ایوب خان خان یا اونا زیر کفالت بندغ اسے نا انڈیپنڈنٹ پاور پلانٹ( آئی پی پی) ٹی شیئر اس ارے نئے اقتصادی فائدہ اس گنڈوک ءِ۔ دوشنبے نادے آ اسہ بیان اسے ٹی ترجمان پارے کہ عمر ایوب خان نا غٹ جائیداد و ایلو کاروباری باندات آتا بارواٹی جامع گوشوارہ مہالو آن الیکشن کمیشن اٹ جمع ارے و او باقاعدہ پڑوکروک ءُ اوفتیان چپ متضاد دعویٰ یا بیان بالکل بے بنداو ءِ۔ ترجمان پارے کہ میڈیا نا گڑاس اینکرز مفروضہ غاتیا مبنی و بیدس پبی شاہدی نا ہرادعویٰ تے کرینو او سراسر غلط ءُ۔ عمر ایوب خان بیدس پبی شاہدی نا بے بنداو دوبہ خلوک آ ہر میڈیا چینل یا بندغ نا برخلاف کانودی چارہ جوئی نا حق ءِ رکھ تخک۔