اسلام آباد۔ 11 مئی (اے پی پی) وزارت انسانی حق خواجہ سرا(کدھڑا) تے ملک انا جوانءُ شاری جوڑ کننگ کن پبی گام گیج کننگ ءِ۔ وزارت انسانی حق انا کنڈآن جاری بیان نا رداٹ خواجہ سراتا حق انا رکھ اکن چندی گام گیج آتے کننگانے ہرافتے ٹی خواجہ سراء ایکٹ 2018 ء وقومی سلابت نا کمک اٹ قاعدہ نا تیاری و اوڑآ عملدرآمد کرفنگ کن قومی کمیٹی نا جوڑ کننگ اوار ءِ۔ داکان بیدس خواجہ سرا تا رکھ اکن پولیس کن تربیتی پارت نامہ غاتا انگریزی و اردو ٹی دستیابی خواجہ سراتا ایچ آئی وی آن رکھ و اوفتابرخلاف منفی مہم ءِ توننگ نا بابت ہیلکاری ورکشاپ آتا اڈتننگ اوار ءِ۔ بیان اٹی مستی پاننگانے کہ خواجہ سراتا رکھ اکن جوڑ ہند آتے ٹی غاو مون تننگ نا وڑوڈول عمل آ ہم پبی سلابت کننگا و دامسخت کن السی آگاہی کن وزارت جان جوڑی ، نادرا و مچ آ ملک انا جامعہ غاتون سلابتی دیوان اڈتننگا۔
