بیجنگ۔ 11 مئی (اے پی پی) چین اٹی پاکستان نا سفیر نغمانہ ہاشمی پارینے کہ چین انا شار ووہان آن پاکستانی طالب علم آتا اولیکو کھیپ انا ملک آ گدریفنگ کن بست وبند آتے گڈیکو دروشم اس تننگ انگ ءِ۔ دوشنبے نادے آ اسہ بیان اسے ٹی پاکستانی سفیر پارے کہ چین نا صوبہ ووہان و ہوبی آن غٹ پاکستانی طالب علم آتا خصوصی جہاز آتا کمک اٹ پاکستان آ گدریفنگ نا عمل 18 مئی آن بناکیک۔ سفیر نغمانہ ہاشمی پارے کہ ووہان کوویڈ۔ 19 وائرس نا تالان مننگ نا ہند ئس، کم و ود 1،300پاکستانی طالب علم ہوبی نا چندی یونیورسٹی تیٹی خواننگ ءُ ہرافتے ٹی ووہان اٹی 800طالب علم ہم اوار ءُ۔ ہراتم چینی حکومت ووہان تون اوار اوار صوبہ ٹی ہم لاک ڈاؤن نا فیصلہ ءِ کرے تو پاکستان ہم ووہان و ہوبی آن تینا طالب علم آتا لاک ڈاؤن اٹی وطن آ پدی اتپننگ نا مشکل ءُ فیصلہ اس کرے۔ دافیصلہ کاریمی پک مس انتئے کہ چین آن پاکستان اٹی وائرس نا گدریفنگ نا ہچ ءُ کیس اس ریکارڈ متو۔
