مزن وزیر ءِ صلاحکار برائے ھزانگ ءُ محصولات ڈاکٹر عبدالحفیظ شیخ ءِ ایف پی سی سی ءِ اگداھ داراں گوں ویڈیو کانفرنس ءِ تہ گپ ءُ تران

اسلام آباد ۔ 09مئی (اے پی پی) مزن وزیر ءِ صلاحکار برائے ھزانگ ڈاکٹر عبدالحفیظ شیخ ءَ گوشت کہ حکومت ری فنڈز ءِ پے منٹ ءِ کار ءَ را برق رپتاری ءَ گوں سرجم کنگ انت،ری فنڈزءِ پے منٹ ءِ تہ ترندی ءِ وسیلگ ءَ بزنس کمیونٹی ءِ کیش ءِ باروا جیڈھاں را حل کنگ بوھگ انت۔ایشی ءِ ھوار بیئپار ھاسکر کسانیں ءُ نیامی تبک ءِ بیئپار ( ایس ایم ایز) ءِ پراھی ءُ ایشی ءِ تہ آسانی ودی کنگ ءِ ھاترا ھم گامگیج زورگ بوھگ انت۔آہاں اے گپ حکومت ءِ معاشی ٹیمب ءِ ہمبراہ وفاق ہائے ایوان صنعت ءُ تجارت ( ایف سی سی آئی) ءِ اگدھ داراں گوں ویڈیو کانفرنس ءِ تہ گپ ءُ تران کنان ءَ کتگ ات،ویڈٛیو کانفرنس ءِ تہ ایف پی سی سی آئی ءِ نماھندگ ءَ وتی جیڈھانی ابید آوکیں بنجاہی بجٹ ءِ ھوالہ چہ وتی شئور ءُ صلاح ھم پیش کتگ ات۔ چیئرپرسن ایف بی آر نوشین جاویدامجد، سیکرٹری خزانہ نویدکامران بلوچ، ایف پی سی سی آئی ءِ صدر میاں انجم نثار، فیڈریشنءِ پیسریگیں صدرذکریاعثمان ءُ دگہ اگدھ داراں ھم باست ءُ واست ءِ تہ بھر زوراتگ۔ڈاکٹرعبدالحفیظ شیخ ءَ گوشت کہ حکومت ءَ فاسٹر نظام ءِ ردا برآمد کنوکاں را ری فنڈزءِ ھاترا 56 ارب کلدار پیسر ءَ ھم جاڑی کتگ انت، فاسٹرءِ ابید ھم 40 ارب کلدار ءِ ری فنڈز جاڑی کتگ انت، اے ماہ ءِ تہ ری فنڈز ءِ تہ گیش سئے ارب کلدار ءِ پے منٹ کنگ بنت۔آہاں گوشت کہ حکومت صنعتی زونز ءِ ہڈ،بنیاتی کوکا ءِ گہتری ،ٹیرف ءُ ڈیوٹیزءَ را معقول جوڈ کنگ ءُ کسانیں ءُ درمیانہ تبک ءِ پراھی ھاترا حقی ءِ تجویزءَ را قبول کنگ ءِ ھاتراانت۔ایشی ءَ چہ پیسرءَ چیئرمین ایف بی آر ءِ گوما نمائندگاں مزن وزیر ءِ صلاحکار ءَ را چیئرمین ایف بی آر ءِ گوما لہتیں جیڈھ گوشداشتگ انت،کنٹینرز ءِ ڈیمرج اخراجات، بندرگاہ آنی سرا گٹ ءِ گاڈیانی ان کیش منٹ سرٹیفیکٹس، ءُ ٹائرز ءِ سرا ریگولیٹری ڈیوٹی ءِ تہ کمی بوھگ بوتگیں مذاکرات ءِ تہ دیمروئی چہ سرپد کتگ۔ عہدیداراں بیئپار ءِ پراھی ءُ بزنس ءِ تہ آسراتی ءِ ھاترا حکومت ءَ رالہتیں صلاح ءُ سفارشات ھم پیش کتگ انت۔