نیشنل کمانڈ اینڈ آپریشن سینٹر ءَ کورونا وائرس ءِ باروا نوکتریں اپ ڈیٹ جاڑی،ملک ءِ تہ کورونا ایکٹو کیسانی کساس 19 ہزار100، تصدیق شدہ کیسز ءِ کساس ھم 27 ہزار 474 تاں سربوتگ ، گوستگیں 24 کلاکانی تہ 1637 نوکیں کیس رپورٹ بوتگ انت، 24 گیش بیرانی ءَ گوں مچ کساس 618 بوتگ انت

اسلام آباد ۔ 9 مئی (اے پی پی) نیشنل کمانڈ اینڈ آپریشن سینٹر ءَ کورونا وائرس باروا نوکتریں اپ ڈیٹ جاڑی کتگ انت۔ملک ءِ تہ کورونا ءِ ایکٹو کیسز ءِ کساس 19 ہزار100، تصدیق شدہ کیسز ءِ کساس ھم 27 ہزار 474 تاں سربوتگ۔ گوستگیں 24کلاکانی تہ 1637 نوکیں کیسز رپورٹ بوتگ انت، 24 گیش بیرانی ءَ گوں مچ کساس 618 بوتگ انت۔ این سی او سیءِ ردا پنجاب ءِ تہ کورونا وائرس کیسز ءِ کساس درستاں چہ گیش 10 ہزار 471 تاں سربوتگ۔ سندھ ءِ تہ 9 ہزار 691 کورونا وائرس کیسز رپورٹ بوتگ ات، خیبرپختونخواءِ تہ کیسز ءِ کساس 4 ہزار 327 ءُ اسلام آباد ءِ تہ 609 بوتگ انت۔ بلوچستان ءِ تہ 1876، گلگت بلتستان ءِ تہ 421 کیسز رپورٹ بوتگ انت۔ آزاد کشمیر ءِ تہ کورونا وائرس کیسز ءِ کساس 79 بوتگ۔ سرجمیں ملک ءِ تہ تنیگہ 7 ہزار 756 نادراھ سرجم جان دراھ بوتگ انت۔این سی او سی ءِ گوشگ ءِ ردا کورونا وائرس چہ بیرانی ءِ دپ ءَ شتگ ءِ مردمانی کساس 618 تاں سربوتگ۔ گوستگیں 24 کلاکانی تہ 24 نوکیں بیرانی بوتگ انت ایشی ءِ تہ سندھ 175، پنجاب 191، کے پی کے 221، گلگت بلتستان 3، اسلام آباد ءِ تہ 4 ءُ بلوچستان 24 نادراھ کورونا ءِ سبب ءَ بیران بوتگ انت۔تنیگہ تاں 2 لکھ 70 ہزار 25 مردمانی کورونا وائرس ءِ ٹیسٹ کنگ بوتگ انت۔گوستگیں 24 کلاکانی تہ 12 ہزار 982 مردمانی ٹیسٹ کنگ بوتگ انت۔ملک ءِ تہ 735 ہسپتالانی تہ ہڈ آئسولیشن وارڈز ءِ تہ 5434 نادراھ ءَ را طبی کمک دیگ بوھگ انت۔ 229 کورونا اثرمندانی جاور نگیگ گوشگ بوھگ انت۔