نووارٹس فارما پاکستان ءِہلال احمر سوسائٹی پاکستان ءَ را 41.25 ملین کلدار کورونا فنڈز ءِ عطیہ

اسلام آباد ۔ 9 مئی (اے پی پی) کورونا وائرس (کوویڈ۔19) ءِ ھلاپ ءَ جاڑی جدوجہد ءَ را سوبمند جوڈ کنگ ءِ ھاترا درمان جوڈ کنوکیں کمیپنی نوارٹس فارما پاکستان (این پی پی) ءَ ہلال احمر سوسائٹی پاکستان (پی آر سی ایس) ءَ را 41.25 ملین کلدار ءِ عطیہ داتگ انت۔نووارٹس فارما ءِ چیف ایگزیکٹو آفیسر ڈاکٹر عمران رشید ءَ گوشت کہ نووارٹس فارما ہلال احمر ءِ پج ءَ ملک ءِ تہ دراھیں صوبگانی تہ وباء ءَ چہ آماچیں دمگانی تہ طبی عملہ ءِ تہ ٹیسٹنگ کٹس ءُ جندی رکھگ ءِ اوزارانی ( پی پی ایز)بھر ءُ بانگ کن ایت۔آہاں گوشت کہ ضلورت ءِ اے وھد ءَ وتی طبی عملہ ءِ کمک مئے ھاترا پکر ءِ گپ انت۔آہاں اے اامیت ءِ درشان کتگ کہ یکجاھیں کوشستاں چہ وائرس ءِ سرا زوت گرودار آرگ ءَ کمک رسیت۔کمپنی ءَ را ایشی ءَ چہ پیسرءَ ھم حکومت ءُ این جی اوز ءِ کمک ءَ گوں لہتیں فلاحی منصوبگ ءَ ھلائینگ انت ءُ ارباں کلدار ءِ مفت درمان ھم پھجاراتگ انت۔