وزیراعظم عمران خان نا تینا عراقی ہم منصب مصطفیٰ الکاظمی ءِ عہدہ ءِ سنبھالنگ آ مبارکباد

اسلام آباد۔ 08 مئی (اے پی پی) وزیراعظم عمران خان تینا عراقی ہم منصب مصطفیٰ الکاظمی ءِ عہدہ ءِ سنبھالنگ آ مبارکبادی تسنے۔ جمعہ نادے آ دفترخارجہ نا کنڈآن جاری بیان نا رداٹ وزیراعظم عمران خان تینا تہنیتی کلہو اٹی دا پت انا درشانی ءِ کرینے کہ عراقی وزیراعظم مصطفیٰ الکاظمی نا کماشی ٹی عراق اٹی اصلاحات ، قومی سیوت و شونداری نا ہدف آتا دوئی کننگ اٹ پین پیش رفت مریک۔ پاکستان و عراق نا نیام اٹ خڑکی برادرانہ تعلقداری تا گرج آ زور شاغسا وزیراعظم عمران خان پارے کہ او چندی بشخ آتے ٹی ہڑتوم آ کنڈآتا کمکاری ءِ پین ودفنگ کن وزیراعظم مصطفیٰ الکاظمی تون اواری اٹ کاریم کننگ نا خواہندار ءِ۔