بنجائی وزیر حوالکاری و شینکاری سینیٹر شبلی فراز تون جاپان نا سفیر کونینورومٹسودانا اوڑدہی

اسلام آباد۔ 08 مئی (اے پی پی) بنجائی وزیر حوالکاری سینیٹر شبلی فراز تون جاپان نا سفیر کونینو رومٹسودا اوڑدہی کرے۔ ہراٹی تین پہ تینی نا باندات، ہڑتوم آ کنڈآتا تعلقداری، کوویڈ۔ 19نا ساڑی حالیت و لاک ڈاؤن نا بابت گپ وتران کننگا۔ بنجائی وزیر سینیٹر شبلی فراز پارے کہ پاکستان جاپان تون تعلقداری تے بے کچ قدر انا نظر اٹ ہرک ، جاپان آزمائش نا ساہت اٹی مدام پاکستان تون تفینے۔ اوپارے کہ بنجائی وزیر جاپانی سفیر ءِلاک ڈاؤن اٹی مرحلہ وار نرمی نا فیصلہ نا بابت معلومدار کرسا پارے کہ ملک اٹی لاک ڈاؤن تون اوار اوار ضرورت مند و غریب آتا بہبود آ پبی چکار کرین۔ بنجائی وزیر حوالکاری وشینکاری فیئر میڈیکل جاپان نا 35 ملین روپئی نامیڈیکل امداد و جہانی جاپانی این جی او (کے این ک) نا مانسہرہ نا حقدارخاہوت آتے کن ایمرجنسی سپورٹ آ جاپانی سفیر نا متنواری ءِ ہرفے۔ اوپارے کہ کورونانا دین انا برخلاف برجاجنگ اٹی حکومت جاپان نا کنڈآن 2.16ملین ڈالر امداد نا ستاءِ کینہ۔ اوڑدہی ٹی ٹیکنالوجی نا چندی بشخ آتے ٹی پین کمکاری آ گپ وتران تون اوار پی ٹی وی و ریڈیو پاکستان نا اپ گریڈیشن نا بابت گپ وتران کننگا۔