وزارت انسانی حق انا کوویڈ۔ 19 نا بابت رکھی گام گیج ، چناتا رکھ اکن آگاہی مہم

اسلام آباد۔ 08 مئی (اے پی پی) وزارت انسانی حق کوویڈ۔ 19 نا بابت رکھی گام گیج و داڑآن خاص وڑاٹ چناتا رکھ اکن آگاہی مہم نا بناءِ کرینے۔ جمعہ نادے آ وزارت نا کنڈآن جاری بیان نارداٹ کوویڈ۔ 19 اٹی چناتے مون تروک خطرہ غاتا رداٹ وزارت انسانی حق گائیڈ لائنز جاری کرینے و مچ آ ملک اٹی تعلیمی سرجزآتا معطلی نا رداٹ لمہ و باوہ غاک اُراٹی چناتا کمک ءِ کننگ کیرہ۔ گائیڈلائنز اٹ پاننگانے کہ چناتے صابون اٹ بیست سیکنڈ اسکان وار وار آ دوتے سلنگ نا رغامرو اگہ نمے ٹی یا خاہوت نا بندغ اسے ٹی وائرس نا نشانی ارے تو چناتیان تینے جتا کیر۔ داکان بیدس نمے تینا چناتیٹی کوویڈ۔ 19 نا نشانی جکہ ، زوکام، اڷ انا مون تروک ءِ تو دمدستی ڈاکٹر تون رابطہ کیر، ہروڑنا گڑتی تا حالیت اٹی وزارت نا ہیلپ لائن 1099 آ رجوع کیر و اوڑتون اوار تینا چناتے ٹی تناؤ نا نشانی تا جاچ ءِ ہلیر۔ گائیڈلائنز اٹی پین پاننگانے کہ تنائو نا علامات تغ و بین انا لگپننگ و اداسی ٹی ابلاغ نااسٹ بڈی ءِ کیر ۔