5 اگست آن پد بھارت مقبوضہ دامان اٹی ریاستی دہشت گردی ٹی کیہی گناہ ودکی کرینے، بنجائی وزیرامور کشمیر و گلگت بلتستان علی امین گنڈاپور

اسلام آباد۔ 08 مئی (اے پی پی) بنجائی وزیر امور کشمیر و گلگت بلتستان علی امین گنڈاپور مقبوضہ کشمیر اٹی بھارتی فوج انا پرتشدد کارروائی تا مذمت ءِ کرسا پارے کہ بھارتی فوج کشمیری ورناتا بے تک لس خون ءِ کننگ ءِ۔ جمعہ نادے آ تینا اسہ بیان اسے ٹی علی امین گنڈاپور پارے کہ کشمیری ورناک ہر بہا آ بھارت آن تینا آجوئی ءِ پلرہ۔ بھارت کشمیری تا لس خون اٹ تحریک آجوئی ءِ لتاڑنگ کپک، 5اگست آن پد بھارت مقبوضہ دامان اٹی ریاستی دہشت گردی ٹی کیہی گناہ ودکی کرینے۔ علی امین گنڈاپور پارے کہ کودک کشمیری تا بے تک لس خون جہانی دنیا کن بھلو سوالیہ نشان اسے۔ بھارت ءِ آخرکارکشمیری تا عزم انا مون آ شکست ءِ امنا کروئی مریک۔