ڈاکٹر ولیم اُرے، پروفیسر کشور محبوبانی، پروفیسر ڈاکٹرکیوین پی گلاگھر، ڈاکٹر عادل نجم ئسک بشخ ہلکر
اسلام آباد۔ 08مئی (اے پی پی) وزیر خارجہ مخدوم شاہ محمود قریشی نا کماشی ٹی ‘‘ایف ایم کنیکٹ۔ڈیجیٹل’’ نا بنائی دیوان جمعہ نادے آ وزارت خارجہ ٹی اڈ ہلک۔ دیوان اٹی جہانی سوچ تخوک آ سرکڑدہ غاک بشخ ہلکر۔ وزیر خارجہ مخدوم شاہ محمود قریشی کوروناوائرس نا جہانی دین انا حالیت آتے ٹی ملٹی اسٹیک ہولڈرز آتا نکتہ نظر آن فائدہ ہرفنگ کن ایف ایم۔ کنیکٹ ڈیجیٹل :ٹھاٹ لیڈرزسیریز، نا بناءِ کرینےایف ایم۔ کنیکٹ ڈیجیٹل:تھاٹ لیڈر پروگرام نا رداٹ وزیر خارجہ مخدوم شاہ محمود قریشی مچ آ دنیا ٹی چندی دانشور، مصنف، تعلیم نا چاہندار و پولکار آتون ڈیجیٹل رابطہ نا کمک اٹ گپ وتران کیک، ایف ایم کنیکٹ ڈیجیٹل سیشن نا بناءِ کننگ نا وخت آ وزیر خارجہ شاہ محمود قریشی جہانی سوچ تخوک آ سڑکڑدہ غاتے بٹنگانے تانکہ کورونا دین آن پد انا راستکی تیا سوچ بچار مننگ کے و دانا جہانی، علاقائی، سیاسی،راجی و زرگزرانی اثرو مضمر آتیا سجفگ مرے۔ دا تھاٹ لیڈرز اٹی ہارورڈیونیورسٹی نا مذاکرات نا سرحال آ پروگرام نا شریک بانی و دابشخ اٹی دنیا ٹی منوک آ چاہندار ڈاکٹر ولیم اُرے ہم اوار ارے۔ او داوخت آ ہارورڈ مذاکراتی ڈٹ انا سینئر فیلو و پنی آ لکھاری نا وڑاٹ مچ آ دنیا ٹی پنی ءِ۔ سنگاپور نا سفارتکار ، اقوام متحدہ نا سلامتی کونسل نا مسکوہی صدر و تعلیم نا چاہندار پروفیسر کشور محبوبانی ءِ ہم بٹنگ انگانے ہرا سنگاپور نیشنل یونیورسٹی نا ایشین ریسرچ انسٹی ٹیوٹ (اے۔ آر۔ وائی) نا پنی آ فیلوءِ۔ بوسٹن یونیورسٹی نا فریڈریک ایس پارڈی اسکول جہانی مطالعہ نا پروفیسر ڈاکٹر کیوین پی گلاگھر ہم ‘ایف ایم کنیکٹ ڈیجیٹل:ٹھاٹ لیڈرز نا دا مچی ٹی شریک مریک۔ ڈاکٹر کیوین گلوبل ڈویلپمنٹ پالیسی سینٹر نا سروک ءِ۔ بوسٹن یونیورسٹی نا فریڈریک ایس پارڈی اسکول جہانی مطالعہ نا ڈٛین ڈاکٹر عادل نجم ہم مہمان تیٹی اوارءِ۔ ‘ایف ایم کنیکٹ وزیر خارجہ مخدوم شاہ محمودقریشی نا پبلک ڈپلومیسی گام گیج نا بشخ ءِ۔
