اسلام آباد۔ 08 مئی (اے پی پی) سینیٹ نا ہاؤس بزنس ایڈوائزری نا دیوان چیئرمین سینیٹ صادق سنجرانی نا کماشی ٹی جمعہ نادے آ پارلیمنٹ ہاؤس اٹی اڈ ہلک۔ سینٹ سیکرٹریٹ نا رداٹ دیوان اٹی سینیٹ نا سیشن نا اڈتننگ نا بابت سلابت کننگا، دیوان اٹی بنجائی وزیر حوالکاری وشینکاری سینیٹر شبلی فراز، ڈاکٹر بابر اعوان ، سینیٹر اعظم خان سواتی ئسک ہم شریک مسر وخت اس کہ قائد حزب اختلاف سینیٹر راجہ ظفرالحق تون اوار چندی پارلیمانی پارٹی تا راہشون و باسک آک ویڈیو کانفرنسگ نا کمک اٹ بشخ ہلکر۔ دیوان اٹی سینیٹ نا دیوان ءِ رکھی گام گیج اختیار کرسا اڈتننگ نا بابت باسک آک تینا سلاہ تے تسر و ایجنڈا غا گپ وتران کریر۔
