وزیراعظم نا سلاہکار خزانہ و محصولات ڈاکٹر عبدالحفیظ شیخ نا کماشی ٹی دیوان

چنکا و درمیانہ درجہ نا کاروبار ءِ کمک فراوان کننگ آ سرجم سجفیر
اسلام آباد۔ 07 مئی (اے پی پی) وزیراعظم نا سلاہکار خزانہ و محصولات ڈاکٹر عبدالحفیظ شیخ نا کماشی ٹی دیوان اٹی کورونا نا دین انا سوب آن لاک ڈاؤن نا سوب چنکا و درمیانہ درجہ نا کاروبار ءِ کمک فراوان کننگ آ سرجم سجفنگا۔ دیوان اٹی بنجائی وزیر صںعت وپیداوار حماد اظہر تون اوار جہانی بینک و وزارت خزانہ نا بڑزکو کمامدارآک بشخ ہلکر۔ دیوان اٹی پاننگاکہ دا پیکج ہموصںعت آتے کن ءِ ہرا کم آن کم 5بندغ و زیات آن زیات 30بندغ ءِ روزگار فراوان کننگ ءِ ۔ دیوان اٹی پاننگاکہ کمکاری نا دوئی کن کاروبار نا رجسٹرڈ مننگ المی اف ولے کاروبار نا ساڑی گری ءِ پک کننگ کن 3قسم انا شاہدی تروئی مریک۔ دا پیکج نا رداٹ چنکا صںعت آتا ڈیجیٹل لائخی تے ہم گچین کننگ آ سجفنگا تانکہ او مشکل حالیت آتے ٹی ٹیکنالوجی نا سیبوءِ ہلسا تینا کاریم ءِ برجاتخنگ کیر۔ وزیراعظم نا سلاہکار پارے کہ حکومت ہمو مخلوق نا کمک ءِ کننگ نا عزم تخک ہرا دا قابل افس کہ مشکل وخت اٹی تینا کاروبار ءِ جامع خڑچ ءِ ہم پورو کننگ کیر۔ پیکج آ عملدرآمد کن سمال اینڈ میڈیم انٹرپرائز ڈویلپمنٹ اتھارٹی (سمیڈا) و پنجاب آئی ٹی بورڈ انا کمک درکار مریک۔