بنجائی وزیر بجلی و پٹرولیم عمر ایوب خان نا ٹویٹ

روچہ مبارک اٹی بجلی نا بے سلنگ آن فراوانی ءِ پک کننگک
اسلام آباد۔ 07 مئی (اے پی پی) بنجائی وزیر بجلی و پٹرولیم عمر ایوب خان پارینے کہ حکومت روچہ مبارک اٹی صارف آتے بے سلنگ آن بجلی نا فراوانی کن گچین گام گیج کرینے۔ اسہ ٹویٹ اسے ٹی او پارے کہ تدوک آ دے ہم مچ آ ملک اٹی فیڈرآتیان صارف آتے بجلی نا بے سلنگ آن فراوانی ءِ پک کننگانے و ہراڑے کہ بجلی نا خراب مننگ نا حوال ملانے، تعلقدار ٹیمک دمدستی کارروائی کرسا بجلی ءِ بحال کیرہ۔ اوپارے کہ روچہ مبارک اٹی بجلی نا بے سلنگ آن فراوانی ءِ ہر بہا آ پک کننگک۔