یوٹیلیٹی اسٹور آتیا روچہ ریلیف سبسڈی نا رداٹ گڑاتا بہا کننگ عئید اسکان برجاسلک، ترجمان

اسلام آباد۔ 07 مئی (اے پی پی) یوٹیلیٹی اسٹور آتیا روچہ ریلیف سبسڈی نا رداٹ گڑاتا بہاکننگ برجاءِ ہرانا رداٹ کنوئی آ 19گڑاتا نہاد آتے ٹی کمتی کننگانے۔ ترجمان یوٹیلیٹی اسٹورز کارپوریشن نا رداٹ حکومت الس ءِ روچہ نا تُو اٹی 19 کنوئی آ گڑاتیا سبسڈی تننگ انگ ءِ ، روچہ ریلیف پیکج 17اپریل آن عئید اسکان برجاسلک، نُت، بورہ ، دال و سی انا ساڑی آ نہاد آک برقرار سلرہ۔ یوٹیلیٹی اسٹورآتیا نُت انا 20کلو نا تھیلہ 800روپئی، بورہ نا فی کلو نہاد 68روپئی برجاسلک۔ شربت آتیا 15درسد سبسڈی تننگ انگ ءِ، بیسن آ10درسد سبسڈی تننگ انگ ءِ۔ چاہ آ 8آن 10 درسد سبسڈی تسونن۔