کنٹرول لین نا ایپار آن دراندازی نا تازہ انگا بے بنداو بھارتی دوبہ غاک پاکستان ءِ شست کننگ کن فالس فلیگ آپریشن نا بہانہ ءِ پٹنگ نا خطرناک ایجنڈا نا تسلسل ءِ، وزیراعظم عمران خان

اسلام آباد۔ 06 مئی (اے پی پی) وزیراعظم عمران خان پاکستانءِ شست کننگ کن فالس فلیگ آپریشن نا بہانہ ءِ پٹنگ نا پدریسہ بھارتی کوشست آتا بارواٹی دنیا ءِ خبڑدار کرسا پارینے کہ کنٹرول لین نا ایپار آن دراندازی نا تازہ انگا بے بنداو بھارتی دوبہ غاک دا خطرناک ایجنڈا نا تسلسل ءِ۔ چارشنبے نادے آ تینا ٹویٹ اٹی اوپارے کہ بھارت نا برخلاف کشمیری تا جہد ہندی و کشمیری تیا بھارتی جور و بربریت نا براہ راست نتیجہ ءِ۔ آرایس ایس ۔ بی جے پی اتحاد نا فاشٹ پالیسیک سنگین خطرہ ودی کرینو۔ جہانی برادری بھارت نا آمخ آ حرکت آتے ٹی سویلی ایشیا نا امن و سلامتی ءِ خطرہ غان مست تینا بے عملی ءِ یلہ کے۔