کمپنیز ایکٹ اٹ ساڑی آ ترمیم تیان کاروباری ادارہ غاتیا انتظامی و ریگولیٹری بھاریم اٹ کمتی بریک، زرکاری بورڈ

اسلام آباد۔ 06مئی (اے پی پی) زرکاری بورڈ پارینے کہ کمپنیز ایکٹ اٹ کروک آ ساڑی آ ترمیم تیان کاروباری ادارہ غاتیا انتظامی و ریگولیٹری بھاریم اٹ کمتی بریک وخت اس کہ ترمیم تیٹی ورلڈ بینک انا کاروباری آسانی تا درجہ بندی نا اِرااہم ٹک، کاروبار بناکننگ و کمپنی تا اقلیتی شیئر ہولڈرز آتا حق آتے ٹی ہم گچینی بریک۔ بیان نا رداٹ سیکیورڈٹرانزیکشن ایکٹ 2016ء ٹی ترمیم منقولہ میرات آتا الیکٹرانک رجسٹری ءِ آپریشنل کننگ اٹ کمکار مریک۔ رجسٹری نا فنکشنل مننگ آن خاص کر چنکا کاروبار کروک آتے کن بینک آتیان وام تا دوئی کننگ آسان مریک۔ داکان بیدس ساڑی ہی ٹی کروک آ دا اہم ترمیم تیان ورلڈ بینک انا کاروباری آسانی تا درجہ بندی ٹی ہم پاکستان نا وام تا فراوانی نا بابت اعشاریہ 20درجہ پین گچین نا نتیجہ ٹی بڑزاکاہک۔