کوویڈ۔ 19آن زرگزرانی شونداری ٹی خلل آن پد ہم سی پیک ملک ءِ پین زرگزرانی تنکی ٹی اختہ مننگ آن بچفنگ نا سوب مریک،کمامدار سی پیک اتھارٹی

اسلام آباد۔ 06 مئی (اے پی پی) کوویڈ۔ 19 نا تالانی نا سوب آن دُن تو پاکستان نا زرگزرانی شونداری ٹی خلل ضرور تمانے ولے چین نا بیلٹ اینڈ روڈ انیشی ایٹیو (بی آر آئی ) نا فلیگ شپ ڈٹ سی پیک ملک ءِ پین زرگزرانی تنکی ٹی اختہ مننگ آن بچفنگ نا سوب مریک۔ سی پیک اتھارٹی نا کمامدارآتا رداٹ سی پیک تسلسل اتون پاکستان نا راجی و اقتصادی شونداری ءِ ترند کننگ کن کوشست کننگ ءِ۔ دا میگا پروجیکٹ نا سوب علاقائی شونداری و سوگوی ءِ ہم مون آ دننگک۔