وزیراعظم عمران خان تون وزیر بحری امور سید علی حیدر زیدی و چیئرمین حبیب بینک سلطان علی الانہ نا اوڑدہی اسلام آباد۔ 06 مئی (اے پی پی) وزیراعظم عمران خان تون وزیر بحری امور سید علی حیدر زیدی و چیئرمین حبیب بینک سلطان علی الانہ ئسک اوڑدہی کریر۔ چارشنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ چیئرمین حبیب بینک سلطان علی الانہ وزیراعظم ءِ …
وزیراعظم عمران خان تون وزیر بحری امور سید علی حیدر زیدی و چیئرمین حبیب بینک سلطان علی الانہ نا اوڑدہی
وزیراعظم عمران خان تون وزیر بحری امور سید علی حیدر زیدی و چیئرمین حبیب بینک سلطان علی الانہ نا اوڑدہی
اسلام آباد۔ 06 مئی (اے پی پی) وزیراعظم عمران خان تون وزیر بحری امور سید علی حیدر زیدی و چیئرمین حبیب بینک سلطان علی الانہ ئسک اوڑدہی کریر۔ چارشنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ چیئرمین حبیب بینک سلطان علی الانہ وزیراعظم ءِ کوروناوائرس نا حالیت آتارداٹ الس ءِ ریلیف تننگ کن ساڑی حکومت نا کنڈآن ملکی تاریخ نا غٹ آن بھلا زرگزرانی پیکج اس تننگ آ خراج تحسین پیش کرے۔ سلطان علی الانہ احساس ایمرجنسی کیش پروگرام ءِ بے کچ شفاف و میرٹ نا بنداو آ چلیفنگ آ وزیراعظم ءِ مبارکباد پیش کرے۔ وزیراعظم احساس ایمرجنسی کیش پروگرام ءِ حقدار آتسکان سرکننگ اٹ حبیب بینک انا خذمت و کمکاری نا ستاءِ کرے۔ وزیر بحری امور وزارت نا باندات خاص وڑاٹ کورونا وائرس نا حالیت و داٹی بندرگاہ و ایلو منسلک باندات آتا بابت چندی گام گیج آتیا وزیراعظم ءِ حوال تس۔ وزیر بحری امور پارے کہ وزیراعظم نا پارت آ بندرگاہ تیٹی جہاز آتا زیات ہرے اسکان سلفنگ نا دروشم اٹ تموک آ ہرجانہ (ڈیمرج) ءِ معاف کننگ نا سلاہ اقتصادی رابطہ کمیٹی نا کنڈآن منظور کننگانے۔ ای سی سی آن منظوری آن پد کابینہ غان دا فیصلہ ءِ باقاعدہ پک کننگک، دا رعایت 31مئی اسکان فراوان کننگ نا سفارش ءِ منظور کننگانے۔ وزیر بحری امور وزیراعظم ءِ پارے کہ کوروناوائرس نا مشکل حالیت آتیان پد ہم ملکی بندرگاہ تے آپریشنل تخنگانے وخت اس کہ ڈیہہ نا ایلو بھلا بندرگاک داوخت اٹی بند مننگ نا گواچی مسنو۔
