ملک اٹی کورونادین انا پک کیس آتا کچ 21501،مرک آتا کچ 486مس، نیشنل کمانڈ اینڈ آپریشن سینٹر

24گھنٹہ ٹی 1315پوسکن ءُ کیس، 24مرک رپورٹ
اسلام آباد۔ 05 مئی (اے پی پی) نیشنل کمانڈ اینڈ آپریشن سینٹر کوروناوائرس نا بابت تازہ انگا اپ ڈیٹءِ جاری کرینے۔ ملک اٹی کورونانا ایکٹیو کیس آتا کچ 15233،پک کیس آتا کچ ہم 21501اسکان سرمس، تدوک آ 24گھنٹہ ٹی 1315پوسکن ءُ کیس رپورٹ مس ، 24پین مرک آتون اوار جم مرک آتا کچ 486مس۔ این سی او سی نا رداٹ پنجاب اٹی کوروناوائرس کیس آتاکچ غٹ آن زیات8103اسکان سرمس، سندھ اٹی 7882کوروناوائرس کیس رپورٹ مس، خیبر پختونخواٹی کیس آتا کچ 3288و اسلام آباد اٹی 464مس، بلوچستان اٹی 1321، گلگت بلتستان اٹی 372کیس رپورٹ مس، آزاد کشمیر اٹی کوروناوائرس نا کیس آتا کچ 71مس۔ مچ آ ملک اٹی داوخت اسکان 5782ناجوڑ پورو وڑاٹ دراخہ جوڑ مسنو۔ این سی او پی نا رداٹ کوروناوائرس آن مرک انا باہ ٹی ہنوک آ بندغ آتا کچ 486اسکان سرمس۔ تدوک آ 24گھنٹہ ٹی 24پوسکن آ مرک مسنے ہرافتے ٹی سندھ اٹی 136، پنجاب اٹی 135، کے پی کے ٹی 187، گلگت بلتستان 3، اسلام آباد اٹی 4و بلوچستان اٹی 21ناجوڑ کوروناوائرس نا سوب آن زوال کرینو۔ کورونا زہمی تیٹی ہندی تالانی 84درسد وخت اس کہ درملکی سفری تالانی 16درسد ءِ۔ داوخت اسکان 2لکھ 22ہزار 404بندغ آتا کوروناوائرس ٹیسٹ ءِ کننگا۔ تدوک آ 24گھنٹہ ٹی 9875بندغ آتا ٹیسٹ ءِ کننگا۔ ملک انا 717ہسپتال آتے ٹی جوڑ آئسولیشن وارڈز اٹی 4405ناجوڑ درمان مننگ ءُ۔ 186کورونا زہمی تا حالیت نازرک پاننگ انگ ءِ۔