اسہ کنڈآ کوروناو ایلو کنڈآ بین آن مخلوق نا کہینگ نا خطرہ ءِ، گورنر پنجاب چوہدری محمد سرور نا میڈیا تون گپ وتران

لاہور۔ 05مئی (اے پی پی) گورنرپنجاب چوہدری محمد سرور پارینے کہ اسہ کنڈآ کورونا وخت اس کہ ایلو کنڈآ بین آن مخلوق نا کہینگ نا خطرہ ءِ۔ لاک ڈاؤن اٹی نرمی نا مسخت مخلوق ءِ زیات زرگزرانی ویل آتا بچفنگ نا ءِ۔ خداکن الس پہہ مرے کورونا نا برخلاف جنگ ءِ روڈ آتیا آخااُراتیٹی تولوک کٹنگ مریک۔ الس جوان چاہک کہ دیر انت کننگ ءِ ہنداخاطرآن کورونا آ سنجیدگی نا جاگہ غا سیاست کروک آتیان الس حساب ہلیک۔ صوبہ غاتون پورو اختیار ارے 18می ترمیم اٹی بدلی نا ہیت ہم وخت آن مست ءِ انتئے کہ پارلیمنٹ تون اوار فورم اسے آ ترمیم آتے ٹی بدلی نا بارواٹی ہچ ءُ ہیت اس مون آ بتنے۔کورونا تنکی نا سوب آن پنجاب آب پاک اتھارٹی نا باندات آک ہم زہمی مسنو ولے پنجاب نا الس ءِ کنوئی آساف دیر فراوان کننگ نا وعدہ ءِ پورو کننگک۔ او سے شنبے نادے آ لاہور پریس کلب اٹی سرور فاؤنڈیشن نا فلٹریشن پلانٹ نابناءِ کننگ آن پد میڈیا تون گپ وتران کریکہ وخت اس کہ داوخت آ وائس چیئر سرور فاؤنڈیشن بیگم پروین سرور، صدر لاہور پریس کلب ارشد انصاری سیکرٹری بابر ڈوگر، نائب صدر قذافی بٹ، باسک گورننگ باڈی شاہد چوہدری و جاوید فاروقی تون اوار ایلوفک ہم ساڑی ئسر۔ گورنر پنجاب چوہدری محمد سرور پارے کہ حکومت بزنس کمیونٹی و چنکا پوریاگر آتون اوار ایلوفتے پین زرگزرانی ویل آتیان بچفنگ کن سمارٹ لاک ڈاؤن کرینے ولے الس سمجھنگ ءِ کہ شاید ملک اٹ کورونا چٹنگ ءِ و روڈ آتیان ہر تدوک آ دے اتون مخلوق نا کچ اٹی ودکی مننگ ءِ ہرانا سوب آن کوروناناخطرہ غاک ودنگ ءُ۔ گورنر پنجاب پارے کہ پنجاب نا حقدار آتے ٹی راشن نا فراوانی برجاءِ و ریسکیو 1122نا کمک اٹ اُراتسکان گڑاتے سرکننگ انگ ءِ۔ روزگار ختم مننگ آن کروڑ آ بندغ آک مشکل آتے ٹی ءُ، ننے رویہ غاتے بدل کروئی تمک۔ اونا پاننگ ئس کہ نن ڈاکٹر ز و طبی عملہ ءِ خراج تحسین پیش کینہ و ریسکیو کارندہ مشکل وخت اٹی قوم اتون ہم کوپہ سلوک ءُ۔ اوپارے کہ کمکی سرجزآتے ٹی سخی و فلاحی تنظیم تاکڑد ستاکڑزک۔