اسلام آباد۔ 05 مئی (اے پی پی) وزارت ڈٹ بندی ، شونداری و اصلاحات سرکاری بشخ انا شونداری پروگرام تیٹی کابینہ ڈویژن کن جم وڑاٹ داوخت اسکان 30ارب 18کروڑ 7لکھ روپئی نا فنڈ جاری کرینے، حکومت ڈویژن نا شونداری کاریم تیکن اینخو مالی سال اکن 39ارب 98کروڑ 64لکھ روپئی نا فنڈ جتا کرینے۔ پلاننگ کمیشن نا جاری حساب وکتاب نا رداٹ حکومت راولپنڈی ٹی 200کٹ آتیا تالان گائنا لوجی سینٹر نا جوڑ کننگ کن اسہ ارب 26کروڑ 33لکھ، کراچی ٹی گرین لین بس ریپڈ ٹرانزٹ سسٹم کن 2ارب 75لکھ، کراچی ٹی فلائی اوورز آتا جوڑ کننگ کن 89کروڑ 32لکھ، کراچی پیکج نارداٹ منگھو پیر روڈ انا جوڑ کننگ کن اسہ ارب 11کروڑ 88لکھ، کراچی پیکج نا رداٹ نا ایم سی نا فائر فائٹنگ نا اپ گریڈیشن و بحالی کن 85کروڑ 50لکھ و پائیدار شونداری ہدف آتا دوئی کننگ کن 22ارب روپئی آن زیات نا فنڈ جاری کرینے۔
