اسلام آباد۔ 04 مئی (اے پی پی) وزیر مملکت موسمیاتی بدلی زرتاج گل تینا حلقہ گچین کاری این اے۔ 191ڈیرہ غازی خان اٹی نیزگار و حقدار آتے ٹی کمکی گڑابشخا۔ دا بابت دود گورنمنٹ گرلز ہائی اسکول نمبر ون اٹ اڈتننگا۔ داوخت آ زرتاج گل وزیر میڈیا تون گپ وتران کرسا پارے کہ مشکل وخت اٹی کوشست ءِ کہ تینا حلقہ نا سفید پوش و مزور تپہ نا کمک ءِ کیو و اللہ اینو کنا دا تغ ءِ پورو کرے۔ اوپارے کہ انشاء اللہ حقدار آتے ٹی آخبت اٹ ہم کمک ءِ برجاتخنگک۔ اوپارے کہ دود اٹی راجی فاصلہ و ایلو رکھی گام گیج آتیا عمل کننگا و زالبول آتے عزت و شرف اتون امداد تننگا۔
