نیویارک۔ 04 مئی (اے پی پی) امریکہ ٹی پاکستان نا سفیر اسد مجید خان پارینے کہ پاکستان نا بھلو کچ اسے آ گام گیج آک کوروناوائرس نا تالانی نا مون ءِ توننگ اٹ کمک کرینے، امریکہ ٹی پاکستانی سفیر وال اسٹریٹ جرنل ءِ پارے کہ دینی مرض آن ودی مروک آ تنکی بھاز بے وڑ ءُ وخت اسے آ بس انتئے کہ ننا ملک اٹی اقتصادی اصلاحات آتا سوب آن برآمد آتے ٹی ترندی بننگ بناکریسس، زرمبادلہ نا شرح مستحکم مسوسس و صنعتی سرجز آک ودارہ ولے داسہ دا غٹ گڑاک سلنگ کیرہ، ہنداخاطرآن ہلنگ و برآمدآتا آرڈرز زہمی مننگ نا سوب سپلائی چین درہم برہم مسنے۔ یک شنبے نادے آ شینک مروک آ انٹرویو ٹی سفیر اسد خان پارینے کہ نن معقول حد اسکان گچین کارکڑدگی نا درشانی ءِ کرسا دین انا مون ءِ تورین ولے زرگزرانی زہم آک داسہ ہم ودنگ ءُ۔ ہنداسوب آن ننا وزیراعظم عمران خان پدتموک ملک آتے کن زیات آن زیات جہانی مالی کمک نا مخ تفی ءِ کرسا کرینے۔ دا ہریفنگ آ پارے کہ جہانی برادری دا تنکی تون جنگ تننگ کن کافی کوشست کننگ ءِ۔ پاکستانی سفیر پارے کہ ننا وزیراعظم غٹ تعلقدار کڑدہ غاتے اوار کننگ کن اسہ جامع، سوگو وڑاس تینا کننگ نا خواست کرینے۔ دا جامعیت آن جان جوڑی و اقتصادی ہڑتوم آ وڑانا مضمرآتون مون تننگ اٹ کمک رسینگک۔ اوپارے کہ بھاز گڑا مننگ ءِ ولے داٹی زیات سوگو و ملک آتا گرج آتے پین تیار کننگ نا گرج ءِ۔ داسوج آ کہ انت کوروناوائرس نا بابت باندات پاکستان نا جان جوڑی نا خیالداری نا نظام آ غالب مننگ ءُ، اوپارے کہ نن بھلو کچ اسے آ گام گیج آتا سیبوءِ ہلکن۔
