اسلام آباد۔ 04 مئی (اے پی پی) دیامر بھاشا ڈیم ڈٹ آ داوخت اسکان 99.238ارب روپئ نا زر خڑچ کننگانے،ڈغار دوئی کننگ آ 93.9ارب روپئی خڑچ کننگا۔ واپڈاکمامدارآک ‘‘اے پی پی’’ ءِ پاریر کہ اینخو مالی سال اٹی ڈٹ آ 61ارب روپئی خڑچ کننگک۔ اینخو مالی سال انا خڑچ آتا سرجم آتے پارسا اوپارے کہ 22ارب روپئی دُوارہ آباد کاری آ خڑچ مریرہ وخت اس کہ 39ارب روپئی ایلو جوڑ جاڑی سرجزآتیا خڑچ مریرہ۔ اوپارے کہ دیامربھاشا ڈیم و داڑتون تعلقدار پنجر نا جوڑ جاڑ سرجزآتا بنااینخو مالی سال 2019-20ءٹی مریک وخت اس کہ ڈٹ انا پوروی مارچ 2028ء اسکان گمانی ءِ۔ کمامدارآک پاریر کہ ڈٹ ءِ 6بھلا بشخ آتے ٹی بشخنگانے۔ ہرافتے کن مرحلہ وار جتا ٹھیکہ تننگک۔ ڈیم و داڑتون ایب و کیب پنجر نا جوڑ جاڑی ٹھیکہ غاتا بناءِ کننگ کن شڑت آتے ہم حتمی دروشم اس تننگانے ہرانا بنازوت مریک۔ دیامر بھاشا ڈیم اسہ کثیر المسخت ڈٹ اسے ہراڑآن دیر کوڑی کننگ، نوکاپ اٹ کمتی و توانائی نا پیداوار نا مسخت آتے دوئی کننگ اٹ کمک رسینگک۔ دیامر بھاشاڈیم دریائے سندھ آ چلاس نا 40کلومیٹر نا نشیبی بشخ آ جوڑ کننگ انگ ءِ، دا ڈیم اٹی 8.1ملین ایکڑ فٹ دیر کوڑی کننگ نا گنجائشت مریک۔ دا ڈٹ آن 4500میگاواٹ بجلی ودی مریک ہراڑآن سسٹم اٹی سالانہ 18ارب یونٹ آن زیات اڑزان و چاگڑد دوست بجلی ملک۔ داڈیم انا تفنگ آن تربیلا ڈیم انا وئی پین 35سال ودک۔
