اسلام آباد۔ 22اپریل (اے پی پی) وزیراعظم نا خصوصی کمکار حوالکاری وشینکاری ڈاکٹر فردوس عاشق اعوان پارینے کہ اپوزیشن نا منطق یکتا ءِ، مسیت آتے ملنگ آ اعتراض کیرہ ولے پارلیمنٹ ءِ ملنگ کن بے تاب ءُ۔ شہباز شریف اسہ کنڈ کوروناوائرس نا خلیس آن نیب انا مسہ باسکی جاست وپاستی ٹیم انا سوج آتا ورندی ءِ تننگ کن تیار اف راجی فاصلہ غا اصرار ءِ۔ ایلو کنڈ سد آ پارلیمنٹرینز آتا ساڑی گری ٹی دیوان ءِ بٹنگ انگ آ ضد کننگ ءِ۔ دیوان ءِ بٹنگ انگ اسپیکر نا استحقاق ءِ حکومت ءِ ہچ ءُ اعتراض اس اف۔ چارشنبے نادے آ اسہ ٹویٹ اسے ٹی اوپارے کہ (ن) لیگی سرکڑدہ قول و فعل انا تضاد نا زندہ مثال ءِ۔ اسہ کنڈ شہباز شریف کورونانا خلیس آن نیب انا مسہ باسکی جاست وپاستی ٹیم انا سوج آتا ورندی ءِ تننگ کن تیار اف، راجی فاصلہ غاتیا اصرار ءِ۔ ایلو کنڈ سد آ پارلیمنٹرینز آتا ساڑی گری ٹی دیوان ءِ بٹنگ انگ آ ضد کننگ ءِ، اوپارے کہ اسہ وخت اٹی اِرا جتا بیانیہ غاتا مانند اونا موقف اینو ہم جتا ءِ۔ اونا موقف و بیانیہ تینا آسراتی و منشاء نا رداٹ بدلینگسا کارہ۔ الس ءِ بیوقوف تکپ۔ ڈاکٹر فردوس عاشق اعوان پارے کہ اپوزیشن نا منطق یکتاءِ، مسیت آتے ملنگ آ اعتراض کیرہ ولے پارلیمنٹ ءِ ملنگ کن بھاز بے تاب ءُ۔ دیوان ءِ بٹنگ انگ اسپیکر نا استحقاق ءِ۔ حکومت ءِ اعتراض اف ولے الس اوفتا دورغئی آن بیزار ءِ۔
