اسلام آباد۔ 22اپریل (اے پی پی) پاکستان تحریک انصاف نا سینیٹر شبلی فراز خبڑدار کرینے کہ پاکستان تحریک انصاف نا حکومت بجلی نا بشخ اتون اوار اسہ ادارہ اسے ٹی ہم کرپشن ءِ سگپک و وڈی خور زموار آتا برخلاف سخت کارروائی کیک۔ چارشنبے نادے آ نجی ٹی وی چینل تون گپ وتران کرسا اوپارے کہ وزیراعظم عمران خان نا ولولہ انگیز سرکڑدہ ئی نا رداٹ حکومت بے پرخ شفاف عمل آ باورکیک ہراملک آن وڈی خوری ءِ ماس کش کننگ کن غٹ جاست وپاست و انویسٹی گیشن تے الس نا مون آ اتنگ نا فیصلہ ءِ کرینے آئی پی پیز انا بابت اوپارے کہ انڈیپنڈنٹ پاور پروڈیوسرز زیات نہاد آ بجلی بہاکریرہ و داٹی اوسط نہاد اٹی ودکی آن الس آ بھاریم تماکہ اوپارے کہ آئی پی پیز ننکن ویل ودی کریکہ مستین نا بدعنوان حکمرانک 2004ء ٹی دا ترمیم کریر ہرا ننا زرگزران و ملک انا روشنا آخبت کن نسخان دہ ئس ادارہ غاتے ٹی شفافیت ءِ پک کننگ کن حکومتی عزم انا درشانی ءِ کرسا اوپارے کہ بے وڑی کننگ و الس آ بھاریم شاغوک آتے اسُل بشخنگپک شبلی فراز پارے کہ حکومت آئی پی پیز نا فرانزک آڈٹ کن اسہ انکوائری کمیشن اس ٹہیفینے و جاست وپاست آن پد ڈوہدار تے انصاف نا رداٹ سزاتننگک اوپارے کہ وزیراعظم سہی وڑاٹ پارینے کہ نیزگاری کوروناغان بھلو ویل اسے اوپارے کہ پاکستان کن دااسہ مشکل ءُ وخت اسے انتئے کہ ننے اسہ بھلا حالیت آتا مون تروک ءِ اوپارے کہ ہراتسکان زرگزران و مخلوق نا جان جوڑی نا تعلق ءِ حکومت دا چرجوئی ٹی سہی سمت آ گام گیج کننگ ءِ اوپارے کہ وائرس نا توننگ کن مذہبی عالم دین تا کمک ستاکڑزک۔
