اسلام آباد۔ 22اپریل (اے پی پی) بنجائی وزیر بین الصوبائی رابطہ ڈاکٹر فہمیدہ مرزا ساڑی آحالیت آتے ٹی قومی سیوت نا خواست کرسا قوم آ زور شاغانے کہ او کورونانا برخلاف رکھی گام گیج اختیار کیر۔ چارشنبے نادے آ نجی ٹی وی چینل تون گپ وتران کرسا اوپارے کہ حالیت آتا گچین کننگ و کورونانا تالانی ءِ توننگ کن بنجائی و صوبائی حکومت آک اسہ پنہ غابایدے مریر۔ اوپارے کہ صوبائی حکومت آک ہروڑنا ہلہلہ ئی حالیت آتے ٹی فیصلہ کننگ اٹ آجوءُ۔ اوپارے کہ سندھ اٹی طبی آسراتیک گچین افس ملک انا پدتموک آ علاقہ غاتے ٹی راجی فاصلہ ممکن اف۔ ہراڑے سفائی ستھرائی نا ہیبدار حالیت مریک و مخلوق تنک انگا جاگہ غاتیا آباد مریرہ ، اوپارے کہ سیاست دان تا کمیونٹی تون پبی رابطہ مریک ہرا کوروناوائرس نا توننگ کن اہم ءُ کڑد اس ادا کننگ کیرہ۔ اوپارے کہ پاکستان چین نا آزموندہ غاتیان ہیل کے و ہلوک آ دین انا مقابلہ ءِ سیوت و حوصلہ اٹ کننگے۔ اوپارے کہ عبادت گزار عالم دین تا پارت آتیا عمل کیر۔
